JOB 25 - Dios Rimashcata Quillcashcami

Bildad rimashcamanta

¹ Suhitapuramanta Bildadca:

² «Diosca tucuita mandac, tucuipac manchanami can. Jahua pachapica paimi cushi causaita ruhuan.

³ ¿Pitac paipac soldadocunataca yupai pudingayari? ¿Paipac achicca pitatac mana achicyachin?

⁴ ¿Ima shinatac runaca Diospac ñaupapica, cashcata ruhuac tucunga? ¿Ima shinatac huarmimanta huacharishca runaca mapa illac tucunga?

⁵ Quillapish Diospac ñaupapica, mana achic nicunchu. Lucerocunapish mana mapa illacchu can.

⁶ Chaihuan ricucpica runacarin yanga curu shinallami. Huañuclla aichayuc runaca cuica shinallami» nirca.