JEREMÍAS 9 - Dios Rimashcata Quillcashcami

¹ ¡Ñuca llactapi causaccuna huañushcamanta tutapish, punzhapish huacangapac, ñuca umaca yacu jundu shina, ñahuica tucyac yacu shina canmanlla!

² ¡Ñuca llactapi causaccunamanta caruyashpa, shitashca pambata ricucpi, ñucaman pozanata cushpachari alli canman! Paicunaca huainayaccunami, tandanacushpa millaita ruhuaccunami.

³ Paicunapac calluhuanca flechata shitac shinami llullan. Cashcata ninapac randica, ashtahuan ashtahuan millaita ruhuashpami, mandac Diostaca mana ricsirca.

⁴ Huauquicunapish umaccunami. Ricsishcacunaca juchanchiccunami. Chaimanta tucui ricsishcacunamantapish, huauquicunamantapish cuidaringuichic.

⁵ Paicunaca caishuc chaishuc llullanacushpami umancuna. Mana cashcata nincunachu. Paicunapac calluca llullata rimanapimi yacharishca. Mana allita ruhuanataca mana shaicushpami ruhuacunlla.

⁶ Tucuita Mandac Diosca: «Can Jeremiasca llullaccunapac chaupipimi causangui. Paicunaca llullac cashpami, ñucata mana ricsisha» ninmi. Chaitaca Mandac Diosmi nin.

⁷ Chaimantami tucuita Mandac Diosca: «Ñuca llactapi causaccunataca, ¿imatatac ashtahuan ruhuasha? Curita ninapi rupachishpa chuyayachic shinami, paicuna ima shina cacta ricugrini.

⁸ Paicunapac calluca huañuchic flecha shinami. Chashnami llullashpalla causan. Ricsishcacunahuanca nic tucushpallami, cushilla parlan. Ashtahuanpish shungupica pacalla llaquichinatami yuyaricun.

⁹ Chashna ruhuacushcamantaca, ¿manachu llaquichina cani? Chai llacta chashna ruhuashcamantaca, ¿manachu ñucapish chashnallatac ruhuana cani? Chaitaca Mandac Dios ñucami nini.

¹⁰ Cunanca, chai llactataca pipish mana pasanchu. Huagra huacashcallapish mana uyarinchu. Sacha animalcunapish, volac animalcunapish tucui illanmi. Chaimantami urcucunamantapish, shitashca pambacunapi tiyac michina pambacunamantapish llaquillata huacasha» nircani.

¹¹ Mandac Diosca: «Jerusalentaca rumi montón shinata ruhuashpami, chacal animalcuna causanata ruhuasha. Judá llacta llactacunataca llaquinayaita tucuchishami. Shuc runallapish chaipica mana saquiringachu» nirca.

Judá llactata Dios tucuchina cashcamanta

¹² Cutin ñucaca: «¿Imamantatac cai llactaca llaquinayaita tucuchishpa, shitashca pamba shina tucurcayari? Cunanca, pipish caitaca mana pasanchu. Caicunata yachangapacca, ¿pitac alli yachacca tiyanyari? Mandac Diosca, ¿pitatac caicunata huillachircayari?» nircani.

¹³ Mandac Diosca: «Paicunaman cushca mandashcacunatami saquirca. Ñuca rimashcata mana cazurcachu. Mana ñuca munashca shinachu causarca.

¹⁴ Chaipac randica, paicunapac taitacuna yachachishca shinallatacmi Baal dioscunata catishpa, shungu munashcata ruhuashpa causarca.

¹⁵ Chaimantami israelcunapac tucuita Mandac Dios ñucaca: Cai gentecunamanca ajenjotami caragrini. Shinallatac yacuhuan, venenohuan chapushpami ubiachigrini.

¹⁶ Paicunatapish, paicunapac taitacunatapish mana ricsishca llactacunatami caita chaita cachasha. Paicunata catishpa, espadahuan huañuchishpa tucuchichunmi saquisha nini» ninmi.

Jerusalenpi huacashcamanta

¹⁷ Tucuita Mandac Diosca: «Yachaccuna caichic. Huacanata yachaccunata cayaichic. Huacanata alli yachaccunata mashcamuichic» ninmi.

¹⁸ ¡Ñucanchicmanta huacangapac utca shamuichic! Ñucanchic ñahuimantaca huiquimi yallita llucshinga. Ñucanchic ñahuimantaca yacu tucyac shinami shutunga.

¹⁹ Sionmanta llaquirishpa huacashca uyarishpaca: «¡Tucuitami tucuchishca. Ñucanchic huasicunata tigrachishcami! Ñucanchic llactata shitashpa rinami canchic. ¡Yallita pingaichishcami canchic!» nishcami uyarirca.

²⁰ Shina nicpimi ñucaca: «Huarmicuna, Mandac Dios rimashcata cancunapac ringrihuan uyaichicyari. Cancunapac huarmi huahuacunatapish, tucui cancunahuan apanacuc huarmicunatapish llaquirishpa huacanata yachachichicyari.

²¹ Huañuica ñucanchic ventanacunatami mandashpa tiyarina ucuman yaicushca. Chashnami ñancunapi puric huahuacunatapish, plazacunapi puric huambracunatapish tucuchishca» nircani.

²² Mandac Diosca: «Huañushcacunaca huanuta pambapi shitashca shinami siricun. Trigota cosechashca quipa trigo umata pipish mana japishca shinami siricun» nirca.

Tucuimanta yallica Diosmanta yachana alli cashcamanta

²³ Mandac Diosca: «Yachac runapish, pai yachashcamantaca ama allimi cani nichun. Sinchi runapish, sinchi cashcamanta ama allimi cani nichun. Chayuc runapish, chayuc cashcamantaca ama jatun tucuchun.

²⁴ Maijanpish ñucata yuyarishcamanta, ñucata ricsishcamanta allimi cani nichun. Ñucami cai pachapica llaquicpish, alli mandacpish, cashcata ruhuacpish cani. Ñucaca chashna ruhuashpa causachunmi munani» nirca.

²⁵ Mandac Diosca: «Circuncisionta ruhuashcacunatapish, mana ruhuashcacunatapish ñuca llaquichina punzhami chayamucun.

²⁶ Egipto llactatapish, Judá llactatapish, Edom llactatapish, Amón llactatapish, Moab llactacunapi causaccunatapish, shitashca pamba ladocunapi causaccunatapish tucuimi llaquichisha. Chai tucui llactapi causaccunami mana circuncisionta ruhuashcacuna. Shinallatac tucui israelcunami mana circuncisionta ruhuashca shina, mana alli shunguhuan causancuna» ninmi.