ISAÍAS 55 - Dios Rimashcata Quillcashcami

Dios tucuita llaquic cashcamanta

¹ ¡Tucui yacunayaihuan causaccuna, yacuta ubiangapac shamuichic! ¡Cullquita mana chariccunapish, japishpa micungapac shamuichic! Ima cullquitapish mana cushpa vinota, lecheta japingapac shamuichic.

² ¿Imapactac cullquitaca manapish micunapi tucuchinguichic? ¿Imapactac manapish huicsa pactata micungapac trabajanguichic? Ñuca rimashcata alli uyaichic. Allillata micuichic. Chashna micushpami, cushilla shungu canguichic.

³ Cancunapac ringrihuan uyashpa, ñucapacman cuchuyaichic. Chashna ruhuacpica, cancunapac almaca causangami. Davidhuan ari nishca shinami, cancunahuanpish huiñai huiñaita ari nisha.

⁴ Ñucami paitaca gentecunaman huillachun, llactacunata mandac cachun churarcani.

⁵ Riqui, canca mana ricsishca runacunatami cayangui. Shinallatac canta mana ricsic runacunami cambacman callpamunga. Israelcunapac jucha illac, Mandac Diosta alli nishcamantami chashna shamunga.

⁶ ¡Mandac Diostaca tarinalla cacpi, mashcaichicyari! ¡Cancunapac ladopi cacpi, cayaichicyari!

⁷ Diosta mana manchac runapish mana alli causaita saquichun. Millaita ruhuac runapish mana alli yuyaita saquishpa, Mandac Diospacman cuti richun. Diosca llaquingami. Paipacman cutiricpica, paica perdonangami.

⁸ Mandac Diosca: «Ñuca yuyaica mana cancunapac yuyai shinachu. Ñuca imata ruhuashcapish mana cancuna ruhuashca shinachu.

⁹ Ima shinami jahua pachaca cai pachamanta jahuaman tiyacun, chashnallatacmi ñuca imata ruhuashcapish yalli can. Shinallatac ñuca yuyaipish cancunapac yuyaicunataca yallimi.

¹⁰ Tamyapish, rasupish jahua pachamanta urmashpaca, mana chaillamantac cutinchu. Ashtahuanpish allpata jucuchishpami granota pucuchin. Chaimantami tarpuc runaca muyupacpish, micungapacpish charin.

¹¹ Chashnallatacmi ñuca rimashcapish ñucapacmanca mana chushaclla cutinga. Ashtahuanpish ñuca munashcataca ruhuangatacmi. Ñuca imapac cachashcataca pactachingatacmi.

¹² Cushillami Babiloniamantaca llucshinguichic. Ima mana tucushpami, allilla cutinguichic. Urcucunapish, lomacunapish cancunapac ñaupapimi cantanga. Pambapi tiyac yuracunapish cushicushpami maquita huactanga.

¹³ Zarzapac randica ciprés, cutin chinipac randica, arrayanmi huiñanga. Chaicunami Mandac Dios ñucapac shuti jatun cashcata ricuchinga. Jaicapi mana tucuric huiñai huiñaita ricuchicmi canga» ninmi.