HEBREOS 5 - Dios Rimashcata Quillcashcami

¹ Tucui jatun mandac curacunami, gentecunapuramanta Diospacta ruhuachun acllashca can. Paicunaca tucui gentecunapac juchacunamanta Diosman ofrendata cungapac, animalcunata huañuchishpa Diosman cungapacmi can.

² Mandac curaca paipish juchapi urmanalla cashcamantami, caishuc mana yachac chingarishca shina gentecunataca llaquinga.

³ Chaimantami paipish urmanalla cashcamanta, paicunapac juchacunamanta, shinallatac tucui gentecunapac juchacunamanta animalcunata Diosman cushpa, rupachina can.

⁴ Pipish, pai quiquinllatac mana jatun mandac cura tucunchu, ashtahuanpish Dios acllashcacunallami jatun mandac cura tucun. Chashnami Diosca Aarontaca acllarca.

⁵ Chai shinallatacmi Jesucristoca mana pai quiquinllatac jatun mandac cura tucurca. Ashtahuanpish Diosmi paitaca: «Canca ñuca Churimi cangui, cunanca ñuca Huahuami cangui» nirca.

⁶ Shinallatac Dios quillcachishcapica: «Canca Melquisedec shinallatacmi, huiñai huiñaita cura cangui» ninmi.

⁷ Apunchic Jesucristoca cai pachapi causacushpami, huañuimanta quishpichic Diosta caparishpa, huacashpa mañarca. Jesusca Diosta yallita cazushpami causarca. Chaimantami Diosca uyarca.

⁸ Apunchic Jesucristoca Diospac Churi cashpapish, llaquita apashpami cazuna cashcata yachacurca.

⁹ Chai shina tucui Dios nishcata pactachishpami, tucui paita cazuccunapac huiñaita quishpichic tucurca.

¹⁰ Diosca Melquisedecta shinami, jatun mandac curata ruhuarca.

Diosta crinata mana saquina cashcamanta

¹¹ Caicunamanta rimanaca achcami tiyan. Shina cacpipish, cancuna mana utca entendiclla cacpimi, mana tucuita entendichinchic.

¹² Cancunaca cai tucui huatacunapica, ña yachachiccunami cana canguichic. Shina cashpapish, Diosmanta callari yachachinacunata yachachinami tucushcanguichic. Sinchi micunata micunapac randica, huahuacuna lechellata ubiac shinami canguichic.

¹³ Lechellahuan causac huahuacuna shina cashcata ruhuashpa causanamanta entendincuna.

¹⁴ Sinchi micuita micucca ña yuyaita charishpami, imatapish taripashpa, allitapish, mana allitapish yachac chayan.