GÉNESIS 35 - Dios Rimashcata Quillcashcami

Dios Jacobota Bet-el pambapi bendiciashcamanta

¹ Diosmi Jacobotaca: —Jatari, Bet-elman huichai rishpa, chaipi saquiri. Chaiman chayashpaca, can Esaumanta miticushpa ricucpi, ricuric Diosman shuc altarta ruhuai— nirca.

² Chaimantami Jacoboca paipac familiacunatapish, paihuan caccunatapish rimashpaca: —Cancunapurapi tiyac chican dioscunata anchuchichic. Chaimantaca armarishpa mushuc churanata churarichic.

³ Bet-elman huichai rishunchic. Chaipimi ñuca llaquilla cashpa, mañashcata uyac, shinallatac ñucahuan puric Diosman shuc altarta ruhuagrini— nirca.

⁴ Shina nicpimi, paicuna charishca chican dioscunatapish, ringripi churashca zarcillocunatapish Jacoboman curca. Chashna cucpimi, Jacoboca Siquem llacta ladopi tiyac encina yura ucupi pacarca.

⁵ Paicuna llucshicpica, Dios chai llactapi causaccunaman, shinallatac chai muyundipi causaccunaman manchaita cucpimi, Jacobopac churicunata llaquichingapac mana catirca.

⁶ Chashnami Jacoboca paihuan cac gentecunandi Canaán llacta Luz nishca Bet-el pambaman chayarca.

⁷ Chaipimi paipac huauquimanta miticushpa ricucpi, Dios ricurirca. Chaimantami chaipi shuc altarta ruhuashpa, chai allpataca El-bet-elta shutichirca.

⁸ Rebecata huiñachic Débora huarmi chaipi huañucpimi, Bet-el chaquipi tiyac encina yura ucupi enterrarca. Chai pambataca Alon-bacuttami shutichirca.

⁹ Jacobo Padan-arammanta cuticucpimi, Dios cutin ricurishpa, paita bendiciarca.

¹⁰ Chaipimi Diosca: «Canca Jacobo shutimi cangui. Quipamanca mana Jacobo shutichu cangui, ashtahuanpish Israel shutimi cangui» nirca.

¹¹ Shinallatac Diosca: «Ñucaca imatapish ruhuaclla Diosmi cani. Canca achca huahuayucmi tucungui. Chai huahua huahuacunamantaca shuctac llactacunami tucunga, canmantami jatun mandaccunaca llucshinga.

¹² Abrahamman, Isaacman cushca allpatami canmanpish, cambac huahuacunamanpish cusha» nirca.

¹³ Dios parlanacushpa, paipac ladomanta ricpica,

¹⁴ Jacoboca paihuan parlanacushca pambata señalangapacmi rumita shayachirca. Chai jahuapica aceitetapish, vinotapish tallircami.

¹⁵ Dios paihuan parlashca pambataca Bet-eltami shutichirca.

Raquel huañushcamanta

¹⁶ Chai quipaca Bet-el llactamanta Efrata llactaman chayangapac asha tiyacpiracmi, Raqueltaca sajuarina nanai japirca. Shinami sinchi nanaihuan sajuarirca.

¹⁷ Chashna yalli nanaihuan cacpimi comadronaca: —Ama manchaichu, shuctac cari huahuatami charigringui— nirca.

¹⁸ Chashna nanaihuan ña huañugricushpami, chai huahuataca Benonita shutichirca. Ashtahuanpish paipac taitaca Benjamín nishpami cayarca.

¹⁹ Chashnami Raquelca huañurca. Pai huañucpica, Efrata ñan ladopimi enterrarca. Cunanca chai Efrata llactataca Belén nincunami.

²⁰ Chaipimi Jacoboca Raquelta enterrashca jahuapica shuc jatun suni rumita churarca. Chai rumica Raquel maipi enterrashcata cunancaman ricunallami.

²¹ Taita Israelca chaimanta llucshishpaca, Migdal-edar torremanta ashtahuan chimbapimi shuc carpa huasita shayachirca.

²² Chaipi causacucpimi, Rubenca taita Israelpac caishuc Bilha huarmihuan sueñushca carca. Chaitami taita Israelca yachac chayarca. Jacobopac churicunaca chunga ishcaimi carca.

Jacobopac churicunamanta

²³ Leapac punta huahuaca Rubenmi carca. Quipa huahuacunaca: Simeón, Leví, Judá, Isacar shinallatac Zabulonmi carca.

²⁴ Raquelpac huahuacunaca: José, Benjaminmi carca.

²⁵ Raquelta servic Bilhapac huahuacunaca: Dan, Neftalimi carca.

²⁶ Leata servic Zilpapac huahuacunaca: Gad, Asermi carca. Caicunami taita Jacobo Padan-aram llactapi charishca huahuacuna carca.

Isaac huañushcamanta

²⁷ Jacoboca paipac taita Isaacta ricungapacmi Mamre llactaman rirca. Chai llactaca Arba nishca Hebronmi carca. Chaipimi Abrahampish, Isaacpish causarca.

²⁸ Isaacca patsac pusac chunga huatatami charirca.

²⁹ Isaacca achca huatacunata causashpa, ña yuyac cashcamanta paipac samai tucuricpi, huañushpaca, paipac ñaupa aillucunahuanmi tandanacugrirca. Paitaca paipac churi Esaú, Jacobomi enterrarca.