GÉNESIS 23 - Dios Rimashcata Quillcashcami

Sara huarmita enterrashcamanta

¹ Saraca patsac ishcai chunga canchis huatatami causarca.

² Saraca Canaanpi tiyac Quiriat-arba nishca Ebrón llactapimi huañurca. Chashna huañucpimi, Abrahamca yallita llaquirishpa huacangapac shamurca.

³ Chai quipami chai huañushcapac ladomanta jatarishpa, Hetpac churicunataca:

⁴ —Ñucaca cancunapurapica caru llactamanta shamushcallami causacuni. Shina cacpipish, ñuca huarmi huañushcata enterrangapac asha allpata cui— nirca.

⁵ Shina nicpimi, Hetpac churicunaca Abrahamtaca:

⁶ —Riqui, ñucanchic mandaclla, canca ñucanchicpurapica Dios acllashcami cangui. Chaimanta huañushcataca ñucanchic panteonpi allita acllashpa enterrailla. Chashna enterracpica, ñucanchicpuramanta pipish mana misangachu, pipish imata mana ningachu— nirca.

⁷ Chashna nicpica, Abrahamca chaipi causac Hetpac churicunapac ñaupapi cumurishpa,

⁸ paicunahuan parlashpaca: —Huañushca huarmita ñuca chaipi enterrachun munashpaca, Zoharpac churi Efronhuan ñucamanta parlaichic.

⁹ Macpelapi cac cancunapac allpa ladopi tiyac enterrana jutcutami cuchun nini. Chai allpataca mashnapipish randishpami, cancunapac chaupipi enterrana jutcutaca charisha nini— nirca.

¹⁰ Heteopuramanta Efronca Hetpac churicunahuanmi tiyacurca. Chaipimi Hetpac churicunapac ñaupapipish, chai llactacunapi yaicuccunapac ñaupapipish Abrahamtaca:

¹¹ —Uyai, ñuca mandaclla, ama chashna nichu. Ñuca llactapi causac churicunapac ñaupapimi cai allpatapish, enterrana jutcutapish yanga cuni. Huañushcataca chaipi enterrailla— nirca.

¹² Shina nicpimi, Abrahamca chai llactapi causaccunapac ñaupapi,

¹³ tucui gentecunapac ñaupapi cumurishpa Efrontaca: —Ñuca mañashcata uyaiyari. Chai allpa valishca cullquita japi. Chashna japicpica, ñuca huarmita enterrashallami— nirca.

¹⁴ Shina nicpimi, Efronca Abrahamtaca:

¹⁵ —Riqui, ñuca mandaclla, allpaca chuscu patsac siclos cullquillami valin. Cai cullquimantaca, ¿maitatac canpish, ñucapish caita chaita nicushunyari? Cambac huarmitaca enterrailla— nirca.

¹⁶ Chashnami Abrahamca Efronhuan parlanacushpa, Efrón mañashca cullquita Hetpac churicunapac ñaupapi pezashpa pagarca. Randina, catuna cullquipimi chuscu patsac siclos cullquita Efronmanca curca.

¹⁷ Efronpac allpaca Macpela pambamanta inti llucshina ladoman tiyac Mamre pambapimi carca. Abrahamca chai allpapi tiyac jutcundi shinallatac chai pambapi tiyac yuracunandimi muyundita japirca.

¹⁸ Chashnami Abrahamca Efronpac allpataca Hetpac churicunapac ñaupapi, shinallatac chai llactaman yaicuc gentecunapac ñaupapi chasquirca.

¹⁹ Chai quipaca, Abrahamca Macpela pambapi tiyac jutcupimi Sarataca enterrarca. Chai allpaca Canaanpi tiyac Hebrón nishca Mamremanta chimba ladomanmi carca.

²⁰ Chashnami chai allpataca chaipi tiyac jutcundi Hetpac churicunamantaca paipac panteón cachun randirca.