ESTER 10 - Dios Rimashcata Quillcashcami

Mardoqueota jatunyashcamanta

¹ Jatun mandac Asueroca tucui llactapi causaccunapish, mama cucha ladopi causaccunapish impuestota cuchunmi mandarca.

² Mardoqueo jatun mandac cashcapish, tucui imata ruhuashcapish paita jatun mandacta ruhuashpa jatunyachishpa quillcashcapish Persia, Media llactacunata jatun mandaccuna imata ruhuashcacunata quillcashcapimi quillcashca tiyacun.

³ Jatun mandac Asueropac quipa mandacca Judá llactamanta Mardoqueomi carca. Paica paipac huauquicunapacpish, Judá llactamanta achca gentecunapacpish mai alli nishcami carca. Paica, paipac llacta gentecunaman allita ruhuashcamanta tucui paipac huahua huahuacunamanpish cushi causai tiyachunmi munarca Chaimantami alli nishca carca.