2 REYES 12 - Dios Rimashcata Quillcashcami

Joás Judá llactata mandashcamanta

¹ Jehú canchis huatata mandacucpimi, Joasca mandai callarirca. Paica chuscu chunga huatatami Jerusalenpi mandarca. Paipac mamaca Beerseba pueblomanta Sibiami carca.

² Joasca Joiada cura yachachishpa causacuc tucui huatacunami Mandac Diospac ñaupapi allita ruhuashpa causarca.

³ Shina cashpapish, lomacunapi tiyac altarcunataca mana anchuchircachu. Gentecunaca chai altarcunapimi animalcunata cushpa huañuchishpa, inciensota cushnichishpa catirca.

⁴ Joasca curacunataca: «Mandac Diospac huasiman apamushca Diospaclla chicanyachishca cullquita, shinallatac cuna cashcamanta cushca cullquita, quiquin munaimanta Mandac Diospac huasiman apamushca cullquitapish tucui tandachinguichic.

⁵ Curacuna cullquita huacaichiccunapac maquimanta japishpa, Mandac Diospac huasi chictarishcacunata, ashtahuan maipi allichinacunata allichinguichic» nirca.

⁶ Jatun mandac Joás ishcai chunga quimsa huatata mandangacamanpish curacunaca Diospac huasi pirca chictataca manarac allichircacunachu.

⁷ Jatun mandac Joasca Joiada curatapish, caishuc curacunatapish cayashpaca: «¿Ima nishpatac Mandac Diospac huasi chictarishcacunataca cunancaman manarac allichinguichic? Cunanca, cullquita huacaichiccunapac maquimanta mana japinachu canguichic. Ashtahuanpish Diospac huasi chictarishcacunata allichichunmi cuna canguichic» nirca.

⁸ Shina nicpimi, curacunaca gentecuna apamushca cullquitaca mana ashtahuan japisha nircacuna. Shinallatac Diospac huasi chictarishcacunatapish mana paicuna allichisha nircacuna.

⁹ Shina cashpapish, Joiada curami shuc cajonta japishpa, tapapi jutcuta ruhuashpa, Mandac Diospac huasiman yaicuna alli lado altar ladopi churarca. Chaipimi Mandac Diospac huasi pungupi cuidac curacunaca, apamushca tucui cullquita churarca.

¹⁰ Chai cajonpi ña achca cullqui cacpica, jatun mandacpac quillcac runapish, curacunata mandacpish shamushpami, Mandac Diospac huasipi tiyashca cullquita yupashpa huacaichic carca.

¹¹ Chai cullquitami yupashpa, chaipi imata ruhuaccunaman Mandac Diospac huasita cuidaccunaman cuc carca. Paicunami carpinterocunaman, huasita allichiccunaman cuc carca.

¹² Huasita ruhuaccunamanpish, shinallatac rumita allichiccunamanpishmi cuc carca. Chai cullquillahuantacmi Diospac huasi chictarishcacunata allichingapac caspicunata, labrashca rumicunata randirca. Diospac huasita tucui allichingapac minishtishcacunatami curcacuna.

¹³ Ashtahuanpish Mandac Diospac huasiman apamushca cullquitaca vasocunata, trompetacunata, mechacunata pitinacunatapish, jatun vasocunatapish shinallatac ima huasi ucupi tiyashcacunata cullquimanta curimantaca imata mana ruhuarcacunachu.

¹⁴ Ashtahuanpish chaipi imata ruhuaccunamanmi cullquitaca curca. Chai cullquihuanmi Mandac Diospac huasita allichircacuna.

¹⁵ Chaipi imata ruhuaccunaman pagachun cushca cullquicunataca mashna yaicushcata mana tapucchu carca. Paicunaca imatapish cashcata ruhuac cacpimi, mana tapuc carca.

¹⁶ Juchata ruhuashcamanta, mana allita ruhuashcamanta cushca cullquitapish Mandac Diospac huasimanca mana apamurcacunachu. Chai cullquica curacunamanmi carca.

¹⁷ Chai punzhallatacmi Siria llactata jatun mandac Hazaelca Gat pueblopi causaccunahuan macanacushpa, chai pueblota quichurca. Chai quipaca Jerusalenpi causaccunahuan macanacungapac huichai rinatami yuyarirca.

¹⁸ Chaimantami Judá llactata jatun mandac Joasca Judá llactata ñaupa taita Josafat, Joram, Ocozías Mandac Diosman cushca ofrendata shinallatac pai cushca tucui curitapish, jatun mandacpac huasipi tiyashca curitapish japishpa, Siria llactata jatun mandac Hazaelman cuchun cacharca. Chaimantami Hazaelca Jerusalenmantaca rircalla.

¹⁹ Joaspac shuctac ruhuashcacunapish, imacunallata ruhuashcacunapish Judá llactata jatun mandaccuna imata ruhuashcata quillcashcapimi tiyacun.

²⁰ Joastaca paita serviccunallatacmi huashalla parlanacushpa, Sila puebloman urai rina ñan Milo pushtupi huañuchirca.

²¹ Paica paita servic Simeatpac churi Josacar, Somerpac churi Jozabad chugrichicpimi huañurca. Joastaca paipac ñaupa taitacunata enterrashca Davidpac pueblollapitacmi enterrarca. Paipac randica, paipac churi Amasiasmi mandarca.