1 CRÓNICAS 8 - Dios Rimashcata Quillcashcami

Benjaminpac huahua huahuacunamanta

¹ Benjaminpac punta churica Bela shutimi carca. Paipac quipaca Asbelmi carca. Chai quipaca Aharami carca.

² Chuscuniquica Nohami carca. Pichcaniquica Rafami carca.

³ Belapac churicunaca: Adar, Gera, Abiud,

⁴ Abisúa, Naamán, Ahoa,

⁵ Gera, Sefufán, shinallatac Hirammi carca.

⁶ Ahodpac churicunaca Geba pueblopi causac paicunapac taitacunapac huasi ucupuracunata mandacmi carca. Paicunatami Manahat puebloman prezu aparca.

⁷ Paicunaca: Naamán, Ahías, shinallatac Gerami carca. Gerami Manahat puebloman prezu aparca. Paipac churicunaca: Uza, shinallatac Ahiudmi carca.

⁸ Saharaimca paipac huarmicuna Husim, Baaramanta raquirishca quipami Moab llactapi churicunata charirca.

⁹ Paipac huarmi Hodespica: Jobab, Sibia, Mesa, Malcam,

¹⁰ Jeúz, Saquías, shinallatac Mirmami carca. Chai churicunami huasi ucu familiacunata mandaccuna carca.

¹¹ Saharaimca Husim huarmipica Abitob, shinallatac Elpaal churicunatami charirca.

¹² Elpaalpac churicunaca: Heber, Misam, shinallatac Semedmi carca. (Semedmi Ono, Lod pueblocunata muyundi uchilla llactacunandi shayachirca.)

¹³ Bería, Sema runacunami Ajalón pueblopi causac familiacunata mandaccuna carca. Paicunami Gat pueblopi causaccunata llucchishpa cacharca.

¹⁴ Beriapac churicunaca: Ahío, Sasac, Jeremot,

¹⁵ Zebadías, Arad, Ader,

¹⁶ Micael, Ispa, shinallatac Johami carca.

¹⁷ Elpaalpac churicunaca: Zebadías, Mesulam, Hizqui, Heber,

¹⁸ Ismerai, Jezlías, shinallatac Jobabmi carca.

¹⁹ Simeipac churicunaca: Jaquim, Zicri, Zabdi,

²⁰ Elienai, Ziletai, Eliel,

²¹ Adaías, Beraías, shinallatac Simratmi carca.

²² Sasacpac churicunaca: Ispán, Heber, Eliel,

²³ Abdón, Zicri, Hanán,

²⁴ Hananías, Elam, Anatotías,

²⁵ Ifdaías, shinallatac Penielmi carca.

²⁶ Jerohampac churicunaca: Samserai, Seharías, Atalías,

²⁷ Jaresías, Elías, shinallatac Zicrimi carca.

²⁸ Paicunapac huahua huahuacunapica paicunami huasi ucu familiataca mandaccuna carca. Paicunaca Jerusalenpimi causarca.

²⁹ Gabaón pueblopica Abigabaonmi causarca. Paipac huarmica Maacami carca.

³⁰ Paipac punta churica Abdonmi carca. Quipa churicunaca: Zur, Cis, Baal, Nadab,

³¹ Gedor, Ahío, shinallatac Zequermi carca.

³² Miclotpac churica Simeami carca. Paicunapish Jerusalenllapitacmi huauquicunapac chimba ladopi causarca.

³³ Nerca Cis churita, Cisca Saúl churita, Saulca Jonatán churita, Jonatanca Malquisúa churita, Malquisuaca Abinadab churita, Abinadadca Es-baal churitami charirca.

³⁴ Jonatanpac churica Merib-baalmi carca. Merib-baalca Micaía churitami charirca.

³⁵ Micaiapac churicunaca: Pitón, Melec, Tarea, shinallatac Acazmi carca.

³⁶ Acazca Joada churitami charirca. Joadaca: Alemet, Azmavet, shinallatac Zimri churitami charirca. Zimrica Mosa churitami charirca.

³⁷ Mosaca Bina churitami charirca. Binaca Rafa churitami charirca. Rafaca Elasa churitami charirca. Elasaca Azel churitami charirca.

³⁸ Azelpac sucta churicunaca: Azricam, Bocru, Ismael, Searías, Obadías, shinallatac Hananmi carca. Tucui paicunami Azelpac churicuna carca.

³⁹ Azelpac huauqui Esecpac punta churica Ulammi carca. Paipac quipaca Jehusmi carca. Chai quipaca Elifeletmi carca.

⁴⁰ Ulampac churicunaca flechacunata shitanatapish alli yachac sinchi runacunami carca. Paicunaca churicunatapish, nietocunatapish achcatami charirca. Tucui paicunami Benjaminpac huahua huahuacunapuramanta carca. Paicunaca patsac pichca chungami carca.