1 CRÓNICAS 7 - Dios Rimashcata Quillcashcami

Isacarpac huahua huahuacunamanta

¹ Isacarpac churicunaca chuscumi carca. Paicunaca: Tola, Fúa, Jasub, shinallatac Simronmi carca.

² Tolapac churicunaca: Uzi, Refaías, Jeriel, Jahmai, Jibsam, shinallatac Samuelmi carca. Paicunaca paicunapac ñaupa taitacunapac huasi ucu familiacunata mandaccunami carca. Tolapac huahua huahuacunaca paicunapac familiacuna ima shina cashca shinallatacmi, David mandacui punzhacunapi yupashca carca. Paicunaca ishcai chunga ishcai huaranga sucta patsac sinchi runacunami carca.

³ Uzipac churica Israhiasmi carca. Israhiaspac churicunaca: Micael, Obadías, Joel, shinallatac Isiasmi carca. Paicunaca pichca mandaccunami carca.

⁴ Paicunapac ñaupa taitacunapac familiapurapica quimsa chunga sucta huaranga soldadocunami carca. Paicunaca achca huarmicunata, achca huahuacunatami charirca.

⁵ Isacarpac huasi ucu familiata catishpa yupashca aillucunaca pusac chunga canchis huaranga sinchi soldadocunami carca.

Benjaminpac huahua huahuacunamanta

⁶ Benjaminpac churicunaca quimsami carca. Paicunaca: Bela, Bequer, shinallatac Jediaelmi carca.

⁷ Belapac churicunaca pichcami carca. Paicunaca: Ezbón, Uzi, Uziel, Jerimot, shinallatac Irimi carca. Ñaupa paicunapac taitacunapac huasi ucupuracunata mandaccuna, shinallatac sinchi, macanacunami carca. Belapac huahua huahuacunata yupacpica, ishcai chunga ishcai huaranga, quimsa chunga chuscu runacunami carca.

⁸ Bequerpac churicunaca: Zemira, Joás, Eliezer, Elioenai, Omri, Jerimot, Abías, Anatot, Alametmi carca. Tucui paicunami Bequerpac churicuna carca.

⁹ Ñaupa paicunapac taitacunapac huasi ucupuracunata mandaccuna, shinallatac sinchi macanacuccunami carca. Paicunapac huahua huahuacunata catishpa yupacpica ishcai chunga huaranga ishcai patsac runacunami carca.

¹⁰ Jediaelpac churica Bilhanmi carca. Bilhanpac churicunaca: Jeús, Benjamín, Aod, Quenaana, Zetán Tarsis, shinallatac Ahisaharmi carca.

¹¹ Tucui paicunami Jediaelpac churicuna carca. Paicunapac familiacunata mandaccuna, sinchi macanacungapac llucshinallami carca. Paicunaca chunga canchis huaranga ishcai patsac runacunami carca.

¹² Hirpac churicunaca: Supim, Hupim shutimi carca. Husimca Aherpac churimi carca.

Neftalipac huahua huahuacunamanta

¹³ Bilhapac huahua Neftalipac churicunaca Yahzeel, Guni, Jezer, Salummi carca.

Manasespac huahua huahuacunamanta

¹⁴ Manasespac churicunaca: Asriel, shinallatac Maquirmi carca. Chai churicunataca Siria llactamanta paipac caishuc huarmipimi charirca. Maquirca Galaadpac taitami carca.

¹⁵ Maquirca Hupim, Supimpac familiapuramanta Maaca huarmihuanmi cazararca. Maquirpac quipa churica Zelofehadmi carca. Zelofehadca ushicunallatami charirca.

¹⁶ Maquirpac huarmi Maacaca shuc cari huahuatami charirca. Chai huahuataca Perestami shutichirca. Perespac huauquica Seresmi carca. Serespac churicunaca: Ulam, Requemmi carca.

¹⁷ Ulampac churica Bedanmi carca. Caicunami Galaadpac churicunaca carca. Galaadca Maquirpac churi, Maquirca Manasespac churimi carca.

¹⁸ Maquirpac pani Hamolequetpac cari huahuacunaca: Isod, Abiezer, shinallatac Mahalami carca.

¹⁹ Semidapac churicunaca: Ahián, Siquem, Likhi, shinallatac Anianmi carca.

Efrainpac huahua huahuacunamanta

²⁰ Efrainpac huahua huahuacunaca: Sutela, Bered, Tahat, Elada, Tahat,

²¹ Zabad, Sutela, Ezer, shinallatac Eladmi carca. Gat pueblopi huacharishpa causaccunami animalcunata quichungapac shamucpi, Ezerta shinallatac Eladtaca huañuchirca.

²² Paicunapac taita Efrainca yallita llaquirishpa duelo puricucpimi, paipac huauquicunaca cushichingapac shamurca.

²³ Chai quipaca paipac huarmipi chayaricpimi, huicsayuc tucushpa shuc cari huahuata charirca. Chai huahuataca paipac huasipi llaquilla causacushcamantami Beriata shutichirca.

²⁴ Beriapac ushi Seeraca jahua Bet-horonta, ura Bet-horonta, shinallatac Uzen-seera pueblocunatami shayachirca.

²⁵ Cai Beriapac huahua huahuacunaca: Refa, Resef, Telah, Tahán,

²⁶ Laadán, Amiud, Elisama,

²⁷ Nun, shinallatac Josuemi carca.

²⁸ Paicuna causangapac japishca llactaca Bet-el pueblo muyundi uchilla llactacunandimi carca. Inti llucshina ladomanca Naarán pueblo, inti tigrana ladomanca Gezer pueblo muyundi uchilla llactacunandimi paicunapac carca. Shinallatac Siquem pueblomantaca Gaza pueblocamanmi muyundi uchilla pueblocunandi carca.

²⁹ Manasés aillupac llacta ladopi tiyac Bet-seán, Taanac, Mequido, Dor pueblocunapish, muyundi uchilla llactacunandimi paicunapac carca. Chai llactacunapimi, Israelpac churi Josepac huahua huahuacunaca causarca.

Aserpac huahua huahuacunamanta

³⁰ Aserpac churicunaca: Imna, Isúa, Isúi, Bería, shinallatac paicunapac panica Serami carca.

³¹ Beriapac churicunaca: Heber, shinallatac Maquielmi carca. Maquielca Birzavitpac taitami carca.

³² Heberca Jaflet, Semer, Hotam churicunatami charirca. Paicunapac panica Suami carca.

³³ Jafletpac churicunaca: Pasac, Bimhal, shinallatac Asvatmi carca. Paicunami Jafletpac churicuna carca.

³⁴ Semerpac churicunaca: Ahí, Rohga, Jehúba, shinallatac Arammi carca.

³⁵ Paipac huauqui Helempac churicunaca: Zofa, Imna, Seles, shinallatac Amalmi carca.

³⁶ Zofapac churicunaca: Súa, Harnefer, Súal, Beri, Imra,

³⁷ Beser, Hod, Sama, Silsa, Itrán, shinallatac Beerami carca.

³⁸ Jeterpac churicunaca: Jefone, Pispa, shinallatac Arami carca.

³⁹ Ulapac churicunaca: Ara, Haniel, shinallatac Reziami carca.

⁴⁰ Tucui caicunami Aserpac huahua huahuacunaca carca. Paicunaca ñaupa taitacunapac familiacunata mandaccuna, acllashca alli sinchi mandaccunata mandaccuna carca. Paicunapac tandanacushca familiacunamanta macanacungapac acllashcacunaca ishcai chunga sucta huaranga runacunami carca.