1 CRÓNICAS 3 - Dios Rimashcata Quillcashcami

Davidpac huahua huahuacunamanta

¹ Hebrón pueblopi, Jezreel pueblomanta Ahinoam huarmipi charishca Davidpac punta churica Amnonmi carca. Quipa churi Danieltaca Carmel pueblomanta Abigaíl huarmipimi charirca.

² Quimsaniqui churi Absalontaca Gesur llactata jatun mandac Talmaipac ushi Maaca huarmipimi charirca. Chuscuniqui churi Adoniastaca Haguit huarmipimi charirca.

³ Pichcaniqui churi Sefatiastaca Abital huarmipimi charirca. Suctaniqui churi Itreamtaca Egla huarmipimi charirca.

⁴ Cai sucta churitaca Hebrón pueblopimi charirca. Chai pueblopimi canchis huata sucta quillata mandarca. Jerusalenpica quimsa chunga quimsa huatatami mandarca.

⁵ Amielpac ushi Bet-súa huarmipi charishca chuscu churicunaca: Simea, Sobab, Natán, Salomonmi carca.

⁶ Shuctac iscun churicunatapish charircami. Paicunaca: Ibhar, Elisama, Elifelet,

⁷ Noga, Nefeg, Jafía,

⁸ Elisama, Eliada, shinallatac Elifeletmi carca.

⁹ Tucui paicunami Davidpac churicuna carca. Paicunapac panica Tamarmi carca. Davidpac caishuc huarmipi charishca churicunapac jahuapimi chai churicunaca carca.

Salomonpac huahua huahuacunamanta

¹⁰ Salomonpac churica Roboam, Roboampac churica Abías, Abiaspac churica Asa, Asapac churica Josafatmi carca.

¹¹ Josafatpac churica Joram, Jorampac churica Ocozías, Ocoziaspac churica Joasmi carca.

¹² Joaspac churica Amasías, Amasiaspac churica Azarías, Azariaspac churica Jotammi carca.

¹³ Jotampac churica Acaz, Acazpac churica Ezequías, Ezequiaspac churica Manasesmi carca.

¹⁴ Manasespac churica Amón, Amonpac churica Josiasmi carca.

¹⁵ Josiaspac punta churica Johanán, ishcainiqui churica Joacim, quimsaniqui churica Sedequías, chuscuniqui churica Salummi carca.

¹⁶ Joacimpac huahua huahuacunaca Jeconías shinallatac Sedequiasmi carca.

¹⁷ Jeconiaspac churicunaca: Asir, Salatiel,

¹⁸ Malquiram, Pedaías, Senazar, Jecamías, Hosama, Nedabiasmi carca.

¹⁹ Pedaiaspac churicunaca: Zorobabel, shinallatac Simeimi carca. Zorobabelpac churicunaca: Mesulam, shinallatac Hananiasmi carca. Paicunapac panica Selomitmi carca.

²⁰ Hasubapish, Ohelpish, Berequiaspish, Hasadiaspish, Jusab-hesedpish paipac pichca churicunami carca.

²¹ Hananiaspac churicunaca: Pelatías, shinallatac Jesaiasmi carca. Jesaiaspac churica Refaiasmi carca. Refaiaspac churica Arnanmi carca. Arnanpac churica Abdiasmi carca. Abdiaspac churica Secaniasmi carca.

²² Secaniaspac churica Semaiasmi carca. Semaiaspac sucta churicunaca: Hatús, Igal, Barías, Nearías Safatmi carca.

²³ Nearaspac quimsa churicunaca: Elioenai, Ezequías, shinallatac Azricammi carca.

²⁴ Elioenaipac canchis churicunaca: Hodavías, Eliasib, Pelaías, Acub, Johanán, Dalaías, shinallatac Ananimi carca.