1 CRÓNICAS 2 - Dios Rimashcata Quillcashcami

Israelpac churicunamanta

¹ Israelpac churicunaca: Rubén, Simeón, Leví, Judá, Isacar, Zabulón,

² Dan, José, Benjamín, Neftalí, Gad, Asermi carca.

Judapac huahua huahuacunamanta

³ Judapac churicunaca: Er, Onán, Selami carca. Chai quimsa churitaca cananeopuramanta Súa huarmipimi charirca. Judapac punta churi Ertaca, Mandac Diospac ñaupapi mana alli cacpimi, paipac causaita quichurca.

⁴ Judá, paipac nuera Tamarpi charishca churicunaca Fares, Zerami carca. Judaca pichca churitami charirca.

⁵ Farespac churicunaca: Hezrón, Hamulmi carca.

⁶ Zerapac churicunaca: Zimri, Etán, Hemán, Calcol, Darami carca. Tucuica pichca churicunami carca.

⁷ Carmipac churica Acanmi carca. Paimi Dios tucui chingachichun nishcata mana cazushpa mana allita japishpa israelcunataca yallita llaquichirca.

⁸ Azariasca Etanpac churimi carca.

⁹ Hezronpac churicunaca: Jerameel, Ram, Quelubaimi carca.

¹⁰ Ramca Aminadab churitami charirca. Aminadabca Naasón churitami charirca. Paimi Judá aillutaca mandarca.

¹¹ Naasonca Salmón churitami charirca. Salmonca Booz churitami charirca.

¹² Boozca Obed churitami charirca. Obedca Isaí churitami charirca.

¹³ Isaipac punta churica Eliabmi carca. Quipa churica Abinadabmi carca. Chai ishcai churicunapac quipaca Simeami carca.

¹⁴ Chuscuniquipica Natanaelmi carca. Pichcaniquipica Radaimi carca.

¹⁵ Suctaniquipica Ozemmi carca. Canchisniquipica Davidmi carca.

¹⁶ Paicunapac panicunaca Sarvia, Abigailmi carca. Sarviapac quimsa cari huahuacunaca: Abisai, Joab, Asaelmi carca.

¹⁷ Abigaíl huarmica Amasa huahuatami charirca. Amasapac taitaca ismaelitapuramanta Jetermi carca.

¹⁸ Hezronpac churi Calebca Azuba huarmipimi Jeriot churita charirca. Chai huarmipac caishuc cari huahuacunaca: Jeser, Sobab, Ardonmi carca.

¹⁹ Azuba huañucpica, Efrata huarmihuanmi Calebca cazararca. Chai huarmimi Hur cari huahuata charirca.

²⁰ Hurca Uri churitami charirca. Urica Bezaleel churitami charirca.

²¹ Hezronca sucta chunga huatata charishpami, Galaadpac taita Maquirpac ushihuan cazararca. Chai huarmimi Segub cari huahuata charirca.

²² Segubca Jair churitami charirca. Paimi Galaad llactapica ishcai chunga quimsa pueblocunata charirca.

²³ Shina cacpipish Gesur, Aram runacunami Jairpac pueblocunatapish, Kenat pueblotapish sucta chunga pueblocunata muyundi uchilla llactacunandi japirca. Chaipi tucui causaccunami Galaadpac taita Maquirpac churicuna carca.

²⁴ Hezronca Caleb-efrata pueblopimi huañurca. Chai quipami, paipac huarmi Abiasca Asur huahuata charirca. Paimi Tecoapac taita carca.

²⁵ Hezronpac punta churi Jerameelpac churica Rammi carca. Caishuc churicunaca: Buna, Orén, Ozém, Ahiasmi carca.

²⁶ Jerameelca shuctac Atara huarmitami charirca. Paimi Onampac mamaca carca.

²⁷ Jerameelpac punta churi Rampac churicunaca: Maaz, Jamín, Equermi carca.

²⁸ Onampac churicunaca: Samai, Jadami carca. Samaipac churicunaca: Nadab, Abisurmi carca.

²⁹ Abisurpac huarmica Abihailmi carca. Paimi Ahbán, Molid huahuacunata charirca.

³⁰ Nadabpac churicunaca: Seled, Apaimmi carca. Seledca churicunata mana charishpami huañurca.

³¹ Isica Apaimpac churimi carca. Sesanca Isipac churimi carca. Ahlaica Sesanpac churimi carca.

³² Samaipac huauqui Jadapac churicunaca: Jeter, Jonatanmi carca. Jeterca churicunata mana charishpami huañurca.

³³ Jonatanpac churicunaca: Pelet, Zazami carca. Caicunami Jerameelpac churicunaca carca.

³⁴ Sesanca mana churicunata charircachu, ushicunallatacmi charirca. Shina cashpapish, Egiptomanta Jarha shuti servictami charirca.

³⁵ Sesanca chai runahuanmi paipac shuc ushita cazarachirca. Chai ushimi Atai cari huahuata charirca.

³⁶ Ataica Natán churitami charirca. Natanca Zabad churitami charirca.

³⁷ Zabadca Eflal churitami charirca. Eflalca Obed churitami charirca.

³⁸ Obedca Jehú churitami charirca. Jehuca Azarías churitami charirca.

³⁹ Azariasca Heles churitami charirca. Helesca Elasa churitami charirca.

⁴⁰ Elasaca Sismai churitami charirca. Sismaica Salum churitami charirca.

⁴¹ Salumca Jecamías churitami charirca. Jecamiasca Elisama churitami charirca.

⁴² Jerameelpac huauqui Calebpac churicunaca: Puntaca Mesa, quipaca Maresami carca. Mesaca Zifpac taitami carca. Maresaca Hebronpac taitami carca.

⁴³ Hebronpac churicunaca: Coré, Tapúa, Requem, Semami carca.

⁴⁴ Semaca Raham churitami charirca. Rahamca Jorcoampac taitami carca. Requemca Samai churitami charirca.

⁴⁵ Samaica Maón churitami charirca. Maonca Bet-surpac taitami carca.

⁴⁶ Calebpac caishuc huarmi Efaca Harán, Mosa, Gazez huahuacunatami charirca. Haranca Gazez churitami charirca.

⁴⁷ Jahdaipac churicunaca: Regem, Jotam, Gesam, Pelet, Efa, Saafmi carca.

⁴⁸ Calebpac caishuc huarmi Maacaca Seber, Tirhana cari huahuacunatami charirca.

⁴⁹ Shinallatac Saaf, Seva cari huahuacunatapish charircami. Saafca Madmanapac taitami carca. Sevaca Macbenapac, Gibeapac taitami carca. Acsaca Calebpac ushimi carca.

⁵⁰ Caicunami Calebpac churicunaca carca. Efratapac punta churi Hurpac churicunaca: Quiriat-jearimpac taita Sobalmi carca.

⁵¹ Belenpac taita Salmami carca. Cutin shucca Bet-gaderpac taita Harefmi carca.

⁵² Quiriat-jearimpac taita Sobalpac churicunaca manahetitapuramanta chaupimi carca. Paicunaca Haroepac huahuacunami carca.

⁵³ Quiriat-jearimpac aillucunaca itritacuna, futitacuna sumatitacuna, misraitacunami carca. Paicunapuramantami zoratitacuna, estaolitacuna llucshirca.

⁵⁴ Salmapac churicunaca: Belén pueblopi causaccuna, netofatitacuna, Atrot— bet-joab pueblopi causaccunapish, chaupi manahetitacuna, zoraitacunami carca.

⁵⁵ Jabes pueblopi causacuc quillcaccunapac familiacunaca: tirateocuna, simeateocuna, sucateocunami carca. Paicunami Recabpac taita Hamatpac huahua huahua ceneocunaca carca.