زبور 83 - Pakistani Yousafzai Pashto

درې اتيايم زبور د اِسرائيل د دشمنانو خلاف دُعا

يو حمد، د حضرت آسف يو زبور

¹ پاکه خُدايه چپ مۀ پاتې کېږه، پاکه خُدايه مۀ غلے کېږه مۀ چپ کېږه.

² وګوره ستا دشمنان راپارېدلى دى، او څوک چې تا نه نفرت کوى سرکشۍ سره راپاڅېدلى دى.

³ ستا د قوم خلاف يې ارادې د چل نه ډکې دى، تۀ چې چا سره مينه کوې د هغوئ خلاف منصوبې جوړوې.

⁴ دوئ وائى، ”راځئ چې د يو قوم غوندې يې تباه کړُو، چې د بنى اِسرائيلو نوم په دُنيا کښې نور پاتې نۀ شى.“

⁵ په يو سوچ سره دوئ په شريکه منصوبې جوړوى، دوئ ستا خلاف يو موټے شول او اِتحاد جوړوى.

⁶ په هغوئ کښې دا قومونه شريک وُو ادوميان او اِسمٰعيليان، موآب او هاجريان،

⁷ جبل، عمون، عماليقيان، ورسره، صور او فلستيان.

⁸ تر دې چې اسوريان ورسره هم يو ځائ شوى دى، او خپل طاقت يې د لوط اولاد سره رايوځائ کړے دے.

⁹ کوم کار دې چې د ميديانيانو سره کړے وو د دوئ سره يې هم وکړه، لکه څنګه چې تا د سِسيرا او د يابين سره د قيسون درياب په غاړه کړے وو،

¹⁰ څوک چې په عين دور کښې تباه شول، او د دوئ د بدن نه د پټو ډيران جوړ شو.

¹¹ د هغوئ مشران د عوريب او زئيب په شان مړۀ کړه، او شهزادګان يې لکه د ضلمنع او د زبيح په شان مړۀ کړه،

¹² دا په کښې چا ووئيل چې، ”راځئ چې د خُدائ پاک د څرن ځايونه قبضه کړُو.“

¹³ اے پاکه خُدايه زما، هغوئ لکه د خر بوټى په شان سپک کړه، او لکه د بوسو دوئ د باد په وړاندې والوځوه،

¹⁴ لکه څنګه چې اور ځنګل سوزوى، او لکه شُغلې چې غرونه لمبه کوى،

¹⁵ نو په خپل زورَور باد سره دې هغوئ په مخه واخله، او هغوئ په خپل طوفان سره ويروه.

¹⁶ تۀ هغوئ په شرمونو وشرموه، نو مالِکه خُدايه، ترڅو چې خلق ستا د نوم لټون وکړى.

¹⁷ هغوئ دې د تل دپاره وشرميږى چې ويريږى. او هغوئ دې د شرم په حالت کښې مړۀ شى.

¹⁸ تۀ هغوئ په دې پوهه کړه چې هغه هم تۀ يې د چا نوم چې مالِک خُدائ دے، او هم دا تۀ يواځې په ټوله زمکه د ټولو نه اوچت خُدائ تعالىٰ يې.