زبور 128 - Pakistani Yousafzai Pashto

يو سل او اتۀويشتم زبور

يروشلم ته د ختلو سرود

¹ بختور دى هغوئ ټول څوک چې د مالِک خُدائ نه يريږى، او څوک چې د هغۀ په لارو روان وى.

² تاسو به د خپل محنت مېوه وخورئ، برکتونه او خير به ستاسو وى.

³ او ستا ښځه به لکه د مېوه داره انګورو بوټى په شان وى، او ستا زامن به لکه د زيتون بوټى په شان وى، ستا د دسترخوان نه به راچاپيره وى.

⁴ نو دغه شان سړے به بختور وى، څوک چې د مالِک خُدائ نه يريږى.

⁵ د صيون نه دې مالِک خُدائ تا له برکت درکړى، او تۀ په خپل ټول ژوند کښې د يروشلم آبادى وګورې.

⁶ او تۀ دې تر هغې پورې ژوندے پاتې شې چې د خپلو بچو بچى وګورې، په بنى اِسرائيلو دې سلامتيا وى.