Zacharie 3 - La Sainte Bible en Langue Yipunu

Yiriariamu yimuina: yivunda yibavagulitsi bapagu Yechoua

¹ Amandasa Yechoua yivunda yibavagulitsi bapagu; amaba diteli va gusu yiansa yiFumu na Satan amaba diteli va mabaala maYechoua umufuengilila.

² Yiansa yimatsingula Satan rie: Fumu agusiembi! Fumu agumasola Jerusalem agusiembi! Yechoua agaa digala adimapalusu o muji?

³ Yechoua amaba na bikutu bimuinsi na amaba diteli va gusu yiansa.

⁴ Yiansa yimavosa na jogu abamaba va gusu andi rie: Muvulianu bikutu bimuinsi! Mbana yimatsingula Yechoua rie: Nyimagusula mabi magu na nyimaguduisa biduaru bifeta.

⁵ Yimamueruma rie: Muduisi yiviovi yilioma! Kabogu amamuduisa yiviovi na biduaru bilioma va misu mayiansa yiFumu.

⁶ Yiansa yiFumu yimalubusa Yechoua rie:

⁷ Fumu Mabadi amavosa rie: Pa guidedili migaga miami na pa guikelisi mamma mami gukelisanga Ndagu ami na ndombili tsiami; gukotanga nopalanga va gusu ami nana biansa abivu va gusu ami.

Nsambi osindiga musalitsi andi

⁸ Yechoua yivunda yibavagulitsi bapagu leguluatianu, jenu na bambatsi bagu abavu bavagulitsi bapagu! Jenu botsu duvu yilimba yidugobutsu aduruga. Nyusindiga musalitsi ami, diina diandi Yitayi!

⁹ Nyisunsi dimanyi va gusu Yechoua, dimanyi adivu na yisambuali yimisu. Fumu Mabadi amavosa rie: Meʼ beni nyubaka amoba muna; na nyugusula mabi mabulongu buebubu mu yilumbu yimosi.

¹⁰ Muna yilumbu yieni dunengasana uyegulu yivosi o tsi mfuga jirayisan nesi o tsi mufiga.