Duimbu Adutviolili Nyimbu 8 - La Sainte Bible en Langue Yipunu

¹ Aa mbe guji muana nguji ami mbe gumanuisu na nguji ami! Mbana nyubenguna nagu o gusu kana nesi ugubumba tsiri ulensu.

² Nesi ugubega o ndagu nguji ami; gukayendasa durondu duagu, nyugunuisa malamu maboti amamagamunu migeranada miami.

³ Muru ami ubi va mugonsi ugogu andi umagetu, akobiyi gogu andi umabaala.

⁴ Banumba baJerusalem nyidulembiyili, duyapupisa nesi urambusa agu nyirondi te na diweru adi erondi urambuga.

(Banumba)

⁵ Anyi eruyili o kumu asingama aguandi udurondu? Nyimagurambusa o tsi mupoma; avana nguji agu amagusamina, avana amaguburila.

Mangolu madurondu (Mugetu)

⁶ Nsunsi va tulu agu nderi dibaka nderi dibaka va gogu agu. Durondu duvu na mangolu dedi mosj na dufu. Nsala jivu na mangolu dedi mosi na dufu. Milutsu mijionyi miluli nderi dusiemu dukaki.

⁷ Ne mubu ugorungula utsimisa durondu ne mijamba migodudiamisa, via! Ne pa mutu ovega busina buandi buotsu abumagukugu o ndagu andi usumba durondu, ovinu.

(Baana banguji bamugetu)

⁸ Tuna muana nguji umugetu agukivu yitumba-numba yika tsie tumuvayila ava owelugulu?

⁹ Mbe avuyibaga mbe turunga ndagu jisakama jilora jivema va julu yionyi; mbe avu diguyi mbe tujidibiga na tsimbi tsisedera.

(Mugetu)

¹⁰ Nyiina, nyivu nderi yibaga, mabenyi mami mavu nderi mandagu masakama. Amandaba aguvu na duvotsu.

(Dibaala)

¹¹ Salomon amaba na nungi o Baal-Hamon, amajiwakisa ombu bakelisi. Mutu mutu amafuta tosini mbongu utsonsiga milunda.

¹² Salomon kelisa tosini mbongu tsiagu; kama beji tsijogu abekelisi manungi! Meʼ beni nyukelisa nungi ami.

¹³ Ndeʼ aguitsani o gari nungi bambatsi bami beliyi matuji ugulu adi guvosa. Kokolu tsiagu, yika nami guvosa.

(Mugetu)

¹⁴ Aguami udurondu lensa nogabuga! Bagunu na tsiesi nesi mundulu kabi abiyenadumuga o julu tsimikongu gabuga o mikongu