Romains 4 - La Sainte Bible en Langue Yipunu

¹ Kabogu yika tsie na taji etu Abraham? Yi amadila?

² Mbe bisalu biurungula usungiga mutu na Nsambi mbe orungula unyema; ne nana agorungula unyema va misu maNsambi.

³ Bisonu bisonugu rie: Abraham amavayila Nsambi yitu; mu yionyi Nsambi amamulaba asungama.

⁴ Mutu oyisali efutu; aji edili tsiri muensili, jivu futa mu mbari amasala.

⁵ Pa mutu agesaii tumba evayili Nsambi oyisungiyi bavayitsi bamasumu yitu, Nsambi elabi yiri yitu yiandi yimamusungiga.

⁶ David wandi amadivosa ava amalasila ubueji aguvu na mutu aguvu usungama na Nsambi ne pa asakasala bisalu biboti. Amavosa rie:

⁷ Ka muna ubueji gu ombu jandi agu Nsambi amagusula nsimbulu tsiandi agumatandu mabi ama amavaga.

⁸ Ka muna ubueji gu ombu jandi agumatandu masumu mandi. Ka muna ubueji gu mutu olaba; Nsambi agomuerangimina mbela andi!

⁹ Banyi bolaba ubueji ueni? Yika abarebu vo abasarebu wandi? Tubanovosa rie: Nsambi amalabayiri yitu yiAbraham yimamusungiga.

¹⁰ Abraham amarebu ava dimalabana vo mbe asakarebu? Mbe asakarebu.

¹¹ O gusu amare-bu na durebu duandi dumaba yilimba ayima-lasa yitu yiAbraham na ayimalasa yiri Nsambi amamulaba asungama mbe asakarebu. Abra-ham aji taji botsu abasarebu abevayili Nsambi yitu na mu dionyi bamalabu basungama ne basakarebu.

¹² Aji taji botsu abarebu wandi tsiri mu mbari barebu tumba mu mbari beduki yitu ayimaba na taji etu Abraham agumaba asungama ne asakarebu.

Pangini jiNsambi jiudugusu na yitu

¹³ Nsambi amavangana na Abraham na bategula bandi rie: Dudila bulongu. Pangini eni jimavagunu mu mbari Nsambi amalaba yitu na dusungugu duAbraham; mu mbari Abraham amakipa migaga.

¹⁴ Pa pangini ji-Nsambi jivu ombu jogu abekipi migaga bua-ndi kabogu yitu yigaa na tongu na pangini Nsambi jimakubuga.

¹⁵ Mu mbari migaga mi-palisi kabu Nsambi, diwendi rie: pa migaga misatsi masumu masatsi wandi.

¹⁶ Kabogu diotsu dibandi na yitu yimutu na maboti maNsambi. Pangini jimavegu ombu botsu; abamakipa migaga na abamava-yila Nsambi yitu nana Abraham. Kabogu Abraham aji taji jetu botsu.

¹⁷ Anana Bisonu bisonugulu rie: Guba taji batu bapuela. Avu taji etu va gusu Nsambi agu amavayila yitu ayivu na tsongu. Nsambi aguvu na mangolu urambusa bamfumbi nesi uvosila abasaka-buru.

¹⁸ Ne nana ava ditasa diotsu dimalabana yika kulini, Abraham amavayila Nsambi yitu yiri oba taji batu bapuela mu mbari pangini jimaba rie: Bategula bagu boba bapuela.

¹⁹ Diuleba amaba na kama bilima, yitu yiandi yisamadeda; ne pa amajaba avu nderi mfumbi asamadikipa. Munongu mosi asamaraugi-mina bunguma buSara.

²⁰ Yitu yiandi yisama-tsiemuga na asamatumuna paga na pangini jiNsambi; yitu yiandi yimamuvega mangolu la dibandu amadodisa Nsambi.

²¹ Amavayila pangini jiNsambi yitu na murima uotsu tsiri uyikubula.

²² La dibandu Abraham amalabu asungama na Nsambi mu diambu diyitu yia-ndi.

²³ Tumba diambu adimasonu rie: Amala-bu asungama na Nsambi, disamasonu yika mu diambu diAbraham.

²⁴ Dimasonugu wandi mu diambu dijetu atusingu tusungama, jetu atuva-yila Nsambi yitu agumarambusa Jesus Fumu etu o dufu.

²⁵ Jesus eni amavegu mbela dufu mu diambu dimabi metu na amarambuga o dufu utusungiga na Nsambi.