Romains 3 - La Sainte Bible en Langue Yipunu

¹ Uba muJuif yika diambu? Urebu yika diambu?

² Nyiina, adineni! Tsiri baJuif abamalevegu Mambu maNsambi?

³ Yika dia-mbu mu mbari bamosi va gari ogu basamamu-vayila yitu? Mu dionyi obusa uba usigama?

⁴ Tsatsabi! Nsambi avu na ngensa ne pa batu botsu bavu bifutsi. Bisonu bisonugu rie: Guna bunsonsi buwelimina ava guitabulili mambu gugaa na yimbambila.

⁵ Pa mabi metu magesoyini na maboti maNsambi, yika tsie, tuna musugaunyoga ava etukilisili? (Nyivosi nana mutu evosili.)

⁶ Tsa-tsabi! Pa Nsambi agaa asungama yika tsie otabulila bisi bulongu bunsonsi?

⁷ Pa mfurulu tsiami tsigesoyini na ngensa jiNsambi, ngokilusu va mosi na bavayitsi bamasumu?

⁸ Diwelimina uvosa rie: Tuva-yianu mabi yiri maboti molabana? Bamosi bamamfurila rie: Amadivosa. Batu beni bove-gu mbela na bokilusu.

Vagaa mutu aguvu usungama

⁹ Yika tsie? Jetu baJuif tuji baboti uviolila basusu? Tsatsabi! Nyimaditubula kala yiri baJuif na abagaa baJuif, botsu bana mbela.

¹⁰ Mu mbari Bisonu bisonugu rie: Vagaa mutu usungama ne umosi;

¹¹ Vagaa mutu aguvu na dujabu, vagaa mutu aguirombi Nsambi ne umosi.

¹² Batu botsu bamaliyila Nsambi nsima na botsu bamavaga mabi; vagaa mutu aguivayi maboti, ne umosi.

¹³ Posulu tsiogu tsiboki nana mbila tsitsudiyili; ndimi tsiogu tsivosi mambu mandunsulu; penda tsiogu tsiboki nana miangala mipili.

¹⁴ Beloyingi.

¹⁵ Bana bisuasu unemisa noboka batu.

¹⁶ Bevayingi dimbunga yiari na yiari,

¹⁷ na bagejabi ne ujaba duvotsu.

¹⁸ Va julu vana basakawiji goma Nsambi.

¹⁹ Tuijabi migaga mimavegu ombu jogu aberondi urumu na mionyi. Mimavegu uvotsa abavu na popopu nolasa yiri vagaa mutu ne umosi agurungula urina mufundu uNsambi.

²⁰ Mutu agesungimi va gusu Nsambi mu mbari edugusu migaga; migaga mijabisi masumu buandi.

Nana Nsambi egobulili mutu

²¹ Kabogu dusungugu duNsambi duma-labana tsiri mu mbari migaga mivu, ne migaga miMoise na babiyitsi bevosi rie:

²² Nsambi esungiyi batu ava bevayili Jesus Christ yitu. Nsambi edivayi ombu botsu abevayili Jesus Christ yitu mu mbari agaa na dupasu.

²³ Botsu bamavaga masumu na bamakonda ubambana na Nsambi.

²⁴ Tumba Nsambi na maboti ma-ndi amabasungiga muensili na Jesus Christ omabagobula.

^25-26 Nsambi amamuvagula pa-gu yiri dufu duandi dulasa dutandulu dumasu-mu ombu botsu abemuvayili yitu. Nsambi amavagula Christ pagu usungiga batu bandi. Kala amawarila masumu tumba namunyi ana yifutsu mu diambu dimasumu. Anana elasili dusungugu duandi na esungiyi botsu abevayili Jesus yitu.

²⁷ Kabogu oyinyemi evayi diwelimina? Nesi! Dibandu yi onyemina? Anyemi mu mbari ekipi migaga? Nesi! Anyemi mu mbari ana yitu.

²⁸ Diwendi rie: na yitu, mutu osungu-gu va gusu Nsambi tsiri na dululu dumigaga.

²⁹ Je Nsambi aji Nsambi ombu baJuif buandi? Agaa Nsambi ombu basusu wandi? Aji Nsambi ombu batu basusu.

³⁰ Mu mbari avu mosi buandi. Esungiyi baJuif mu diambu diyitu yiogu na esungiyi abagaa baJuif wandi mu diambu diyitu yiogu.

³¹ Kabogu tunomu-vayila yitu tutsiemusa migaga? Tsatsabi! Tuimikelisi!