Romains 13 - La Sainte Bible en Langue Yipunu

Dululu aduvu duwelimina ombu jogu aberumi bulongu

¹ Mutu uotsu adedili bivunda bibu-longu; musuga uotsu umavegu na Nsambi na aberumi namunyi berumi mu mbari Nsambi amabavega musuga ogu.

² La diba-ndu uotsu oyilensi aberumi elensi maruma maNsambi; na uotsu oyimalensi okilusu.

³ Abevayi maboti bagelabi barumitsi goma yika abevayi mabi. Guirondi utsana sui na murumitsi? Kabogu vaga maboti na jandi ogu-lasa ubueji.

⁴ Jandi avu musalitsi uNsambi uguwamusa uvaganga maboti. Pa guivayi ma-bi mulabi goma mu mbari ana musuga uguki-lisa. Avu musalitsi uNsambi kabogu ana musuga ugabusa pila jiNsambi ombu uotsu oyivayi mabi.

⁵ La dibandu divu diwelimina udedila barumitsi tsiri yika mu diambu dipila jiNsambi buandi tumba mu diambu didiufi dimurima wandi.

⁶ La dibandu vengu dufutila lepu. Baru-mitsi besali yisalu ayimabavegu na Nsambi na beyisali nana divu diwelimina.

⁷ Badumianu jogu botsu, diwendi rie: Futanu lepu na du-mandu va julu vana balasianu duyitsu aduvu duwelimina nogu.

Durondu aduvu duwelimina ombu mutu nagu

⁸ Duyaba na nsombi na mutu uotsu, yika nsombi jidurondu, rondasananganu. Uotsu oyirondi mutu nandi amadedila migaga.

⁹ Mu mbari maruma memama: guyavaga bumbe-mbu, guyaboka, guyadaga, guyanyungila, ne masusu ama turungula umueranga mebandi na adidi rie: rondanga mutu nagu nana guike-rondila.

¹⁰ Oyirondi mutu nandi agomuvayila dibi. Kabogu oyirondi ededili migaga miotsu.

Banu dukunsama, Fumu uruga eruyi

¹¹ Disusu, jabanu rie: Tumatola va temu jiranga kabogu lubuganu. Dugobutsu duka bebeli ne uviolila temu aji tumamuvayila yitu.

¹² Tuji nderi va mavuvungi, wisi yika utebuga. Kabogu tudundianu usala bisahi bipisama.

¹³ Kabogu tutsanianu buranga nderi wisi umatebuga; tuyamuelanganganu, tuyamue-vaganganu bumbembu, tuyatoganganu na tuyawavasananga.

¹⁴ Tumba tubongianu Jesus Christ aguvu Fumu, tubusianu udedila nsala tsibumutu.