Romains 10 - La Sainte Bible en Langue Yipunu

¹ Baana bataji, ka muna nsala ji nyigu-lu yiri batu bami bogobuiu! Nyangu na mukolu nyibasambilili Nsambi.

² Nyiba-singisili bumbeji yiri bamakevega ombu Nsambi. Tumba ukevega uogu usamaba na dujabu.

³ Bagejabi nana Nsambi esungiyili batu tumba bamaduka adu jogu beni; kabogu basamaduka dusungugu aduvu duwelimina na Nsambi.

⁴ Christ amabokisa migaga mi-Moise na botsu abemuvayili yitu boba basu-ngama na Nsambi.

Dugobutsu dudugunu batu botsu

⁵ Adi Moise amavosa mu diambu dimiga-ga na dusungugu adidi rie: Mutu oyikelisi migaga odila monyu mu mbari emidedili.

⁶ Tumba adidi dimavosu mu diambu diyitu na dusungugu: guyavosa o tsi murima agu rie: Anyi okota o julu? (Dionyi la usundusa Christ,) guyavosa wandi rie:

⁷ Anyi osunduga o mbengi? (Dionyi la urambusa Christ.)

⁸ Tsie dimavosulu? Mambu maNsambi mavu nagu tsiri yika uvosa tumba mavu o murima agu wandi. Diwendi rie: amavu nagu malongi ma-yitu ama tuigusamunini.

⁹ Pa guinyemi va mi-su mabatu yiri Jesus Christ aji Fumu na pa guivayili yitu na murima uotsu yiri Nsambi amamurambusa o dufu, gugobulu.

¹⁰ Mu mba-ri oyivayili yitu na murima uotsu vana vana amasungugu na Nsambi na oyinyemi Christ, vana vana ewarisi dugobutsu duandi.

¹¹ Bisonu bisonugu rie: Uotsu oyimuvayili yitu ago-kambulu via!

¹² Divindugulu di-uotsu adidi rie: nesi muJuif nesi agugaa muJuif, botsu bavu na Fumu mosi oyibagabili miula na oyiguhi botsu abemusambili.

¹³ Bisonu biso-nugu rie: Uotsu aguinengili rie: Fumu, kobuli; ogobulu.

¹⁴ Tumba tsie bomunengilila pa basaka-muvayila yitu? Tsie bomuvayila yitu pa basa-kagulu mambu mandi? Tsie bogululu mambu mandi pa mutu agelonsi?

¹⁵ Tsie bolonsila pa basakasindugu? Anana Bisonu bisonugulu rie: Ka muna ubueji gu jogu bolaba abesamuni Musamu Uboti!

¹⁶ Tumba botsu basamagaru Musamu Uboti. Ne Esaie amawivula rie: Fumu anyi amavayila malongi metu yitu?

¹⁷ Abegulu malongi borungula umavayila yitu na malongi mamawarusu ava begululu ma-mbu maChrist.

¹⁸ Nyiwivuli rie: Divu dingensa yiri ba-samagulu malongi? Bamamagulu. Bisonu bi-sonugu rie: Mufi mogu mamanyava mu bulongu buotsu, na mbembu tsiogu te na masuka mabulongu.

¹⁹ Nyimuewivula rie: Batu baIsrael basamamagulu? Moise amavosa kala rie: Nyuduwavisa na dilongu adigaa dilongu, nyudunyoyisa na dilongu adivu yika biduka na biduka.

²⁰ Adimavosu na Esaie dimaba na mangolu uviolila adimavosu na Moise. Amavosa rie: Nyimalabana va gari jogu abasamatombanga. Nyimakelasa ombu jogu abasamandengila.

²¹ Tumba mu diambu diIsrael amavosa rie: Nyimagabilanga mimbini na batumunitsi ba-paga bilumbu biotsu.