Osee 6 - La Sainte Bible en Langue Yipunu

¹ Ruganu, tugabuyianu ombu Fumu! Amatunemisa tumba otubelusa; amatudimba ne nana obuga mapura metu.

² Otugabusa monyu, mu bilumbu bibeji vo birieru otureliga na tutsananga va gusu andi.

³ Tujabianu avu Nsambi; turombianu ujaba Fumu. Durugu duandi dulabana nana ava wisi etebuyili. Oruga ombu getu nderi mfula, nderi mfula jimutubu ajitsatsi butamba.

⁴ Fumu eduwivuli rie: Efraim diambu yi nyuduvaga? Durondu duenu duvu nderi mamungi makedi nesi disala; mua pesu temu duitsiemuyi.

⁵ La dibandu nyimasalisa babiyitsi udukilisa, nyimadubokisa na posulu tsiogu; bunsonsi buami butabulu va yijalala.

⁶ Nyirondi yiri dutondanga tsiri yika upagulilanga pagu tsienu; nyirondi yiri batu bami bonjabanga tsiri yika upagulilanga pagu tsiunyensa.

Nsoruru o Israel

⁷ Nana babaala basusu bamakubulila pangini jenu wenu dukubula pangini tsienu; dugaa basigama bami.

⁸ Galaad uvu musiengi ubatu babi, uvu yika manyansula na manyansula mamalungu.

⁹ Bavagulitsi bapagu bevuningi batu mu nsila jiSichem nderi jogu abeleyi uyenavaganga bukongu. Bevayingi yika mabi na mabi.

¹⁰ Nyimalaba nsoruru o Israel: avana Efraim amavayila bumbembu, Israel amakebivisa.

¹¹ Juda, ndeʼ wandi dutsonsugu dumagukunsulu. Va temu aji nyirondi nyugabusa bakoli babatu bami.