Osee 14 - La Sainte Bible en Langue Yipunu

¹ Samarie ukilusu mu mbari umabusa Nsambi andi. Jogu boboku o divita; bategula bogesumunu na bopasa mioji mibagatsi bogu aboba na mimi.

Dubelusu dubatu abagaa basigama

² Israel, gabuga ombu Fumu Nsambi agu, mabi magu mamagurombisa utsimbu.

³ Mulembiyilianu ndembu tsienu na gabuganu ombu Fumu. Mutsingulianu rie: Tanda mabi metu motsu; singa duyitsu duetu, tugeguvagulili balumi babangombi, tumba tuiguvagulili duyitsu duetu aduvu nderi pagu.

⁴ Muisi Assyrie agotuwaka kalala, jetu tugonangama mu bakabala badivita. Tugomuenengila bisalu abi jetu beni tuisali. Nde pinsa guilasi yisiana maboti.

⁵ Fumu evosi rie: Nyubuga bubomfi buIsrael, nyumuronda tindi uronda; nyimamana umunyoyila.

⁶ Nyuba nderi disala ombu gandi, adiumutsatsa, adiumurombisa uwansa nderi lisa, ofunisa ngansi nderi miri miLiban.

⁷ Owansanga nderi muoliva na obanganga na mbunga jiboti nderi jimisiru miLiban.

⁸ Abami boyitsana o yisuemunu yiami bovaranga ble bobanganga na digumba adivu dedi na digumba dimalamu maLiban.

⁹ Efraim, diambu yi divu va gari jenu na bakosi? Tsiri menu aguiguwaguli? Tsiri menu aguigukelisi? Menu nyuba ombu gagu nderi musipara aguvu na magaji manyelili temu tsiotsu. La menu oyimurombili digumba dieni.

¹⁰ Pa mutu ana diela agulu mambu maOsee; pa ana dujabu amatsiyisi! Mansila maFumu mavu masungama; amuna batu basungama bovioyilanga, mavu masungama.