Nyimbu 98 - La Sainte Bible en Langue YipunuDUIMBU Sangilanu Fumu oyiruyi 1 Duimbu. Wimbilanu Fumu duimbu dugona, mu mbari amavaga bimaga na dujabu duandi nesi mangolu mandi. 2 Fumu amajabisa dugobutsu duandi amalasa dusungugu duandi ombu bisi malongu. 3 Erangumunu na maboti mandi na usigama uandi ombu baIsrael. Te no masuka motsu mabulongu bamalaba yiri Nsambi etu amatugobula. 4 Sangilanu Fumu, jenu bisi butamba botsu, Gamuganu migamu minsangu, muyitsianu na nyimbu. 5 Yitsanu Fumu na sambi; muyitsianu na bisigu; 6 muyitsianu na mimbanda, gamuganu migamu minsangu uyitsa Fumu aguvu kaga! 7 Mubu na biotsu abivu muna, bamusangili, bulongu na botsu abavu muna, bamusangili na nsangu! 8 Mijamba, siganu sambi, mikongu miotsu, gamuganu na nsangu 9 va gusu Fumu mu mbari uruga eruyi. Oyitabulila bisi bulongu bunsonsi; otabulila bulongu bunsonsi na dusungugu. Avu nsonsi jisungama. |
La sainte Bible en langue Yipunu © Alliance Biblique du Cameroun, 1992.
Bible Society of Cameroon