Nyimbu 97 - La Sainte Bible en Langue Yipunu

DUIMBU Fumu avu kaga; butamba busangili

¹ Fumu avu kaga, jenu bisi butamba sangilanu, bisi banyingi labanu ubeji wandi.

² Mamungi na pisama bimutsiengili wandi dibandu dibufumu buandi divu dusungugu na musuga.

³ Muji uireli va gusu andi; usielisini bavinitsi bandi abavu yiari na yiari.

⁴ Tsiemu tsiandi tsimonitsi bulongu, butamba buitsilabi na buireyimi.

⁵ Mikongu misulumuyi nderi dilendi va gusu Fumu jibulongu buotsu.

⁶ Julu jisamuni dusungugu duandi; batu botsu belabi bundumba buandi.

⁷ Botsu abeyitsi bibagunu bibima balabi yisionyi nesi jogu abeyitsi bakosi. Bansambi botsu bagudimi va gusu Nsambi.

⁸ Aa Fumu, bisi Sion bamabasa na nsangu ava bamaguhihi misamu mieni; baana babagetu baJuda bamasangila tindi usangila mu diambu dibunsonsi buagu!

⁹ Ndeʼ Fumu guvu Nsambi aguvu Uneni mu bulongu buotsu.

¹⁰ Jenu aduirondi Fumu vinanu mabi. Ebambi batu bandi basigama ebawaki kalala ombu batu babi.

¹¹ Yijalala yitebuyili basigama batu baboti belabi nsangu.

¹² Jenu batu basigama sangilanu Fumu, yitsanu bunsambi buandi.