Nyimbu 75 - La Sainte Bible en Langue Yipunu

DUIMBU Nsambi avu nsonsi

¹ Duimbu duAssaf agumaba yivunda yibawimbitsi, adumawimbulu kingu jiGuyabunga.

² Aa Nsambi, tuiguyitsingi; diina diagu divu netu temu tsiotsu; tuikakisingi maboti magu.

³ Fumu amavosa rie: Ava yilumbu ayi nyimasola nyutabula bunsonsi na dusungugu.

⁴ Butamba buireyimi na botsu abavu muna, aguiwarisi mukuta la menu. Letasatianu

⁵ Nyimagandisa bango dunangu rie: Duyakematisa! Nyimagandisa batu abagekipi yitu nesi migaga rie: Jenu wenu duyakerutsula!

⁶ Nyiina, duyakerutsula, dundanu posulu tsidunangu.

⁷ Dumatusulu dugeruyili nesi o yiari ayi wisi epalili nesi o yiari ayi wisi ewendisini nesi o kumu.

⁸ Nsambi oyitabuli bunsonsi, esundisi umosi na ematisi ususu.

⁹ Fumu avu na dimoyi va dikaka adivu dibasa na malamu mamafubi diwendi rie: kabu andi. Ejiwitili batu babi botsu, bamanu motsu te na dibondi.

¹⁰ Nyusamunanga mambu meni te na mutubu; nyuwimbilanga uyitsa Nsambi Jacob rie:

¹¹ Opansa mangolu motsu mabatu babi; oroyisa mangolu mamutu usungama.