Nyimbu 70 - La Sainte Bible en Langue YipunuDUIMBU Fumu lensa noruga (Gengila Nyim 40.14-18 ) 1 Duimbu duyivunda yibawimbitsi na duDavid aduvu yirangumunu. 2 Aa Nsambi, lensa noyikwaka kalalaʼ Aa Fumu, lensa noyikwamusi! 3 Jogu aberondi umboka, jogu botsu babetsu va mosi nolasu yisonyi. Jogu aberondi unsiemusa bagabuyi mansinsima te na boba tsokudu! 4 Jogu botsu abeteki babetsu; jogu abeposili rie: Joʼ ve! 5 Basigama botsu abegurombi balabingi nsangu nogusangilanga! Jogu aberondi dugobutsu duagu bevosingi rie: Nsambi avu Muneni! 6 Menu nyivu yijaga na nyimakambulu; tumba Nsambi, tangimini! Ndeʼ guvu muwamusi ami na Mugobutsi ami; Aa Fumu ami, lensa nokwaka kalala. |
La sainte Bible en langue Yipunu © Alliance Biblique du Cameroun, 1992.
Bible Society of Cameroon