Nyimbu 67 - La Sainte Bible en Langue Yipunu

DUIMBU Batu botsu baguyitsi

¹ Duimbu diyivunda yibawimbitsi adumawimbulu na bisigu abivu na mikudu.

² Nsambi atulasi yingeba na atugabili miula, atugengili na mamunga. Letasatianu

³ Bisi butamba bajabi diufi diagu bisi malongu botsu bajabi ndeʼ guvu mugobutsi.

⁴ Aa Nsambi, batu baguyitsi! Batu botsu baguyitsi!

⁵ Bisi malongu besangili ava belabili nsangu; mu mbari ndeʼ guitabulili batu bunsonsi na dusungugu, guiwendisi bisi malongu. Letasatianu

⁶ Aa Nsambi, batu baguyitsi, batu botsu baguyitsi!

⁷ Butamba buvu na digumba; Nsambi etu etugabili miula!

⁸ Nyiina, Nsambi atugabili miula bisi masuka mabulongu bajabi musuga andi!