Nyimbu 64 - La Sainte Bible en Langue YipunuDUIMBU Nsambi na bango mapopopu 1 Duimbu duyivunda yibawimbitsi na duDavid. 2 Aa Nsambi, gulu diufi diami ava nyibimini! Nsueyi yiri bavinitsi aba nyidumi bagomboka! 3 Nsueyi yiri fundu jibatu babi jigotungulu, nsueyi wandi yiri bavayitsi bamabi bagokanda. 4 Bevendi miunu miogu nderi usiba besibi majenga, posulu tsiogu tsivu nderi mbansa tsivalu, 5 utsoka misinganyi o musuega. Besundili utsitinda, bagekipi. 6 Bekewarisa na mbivulu tsiogu, begukimi uramba mirambu, bewivuli rie: Anyi omilaba? 7 Betasi yika uvaga bikongu; bevosi rie: Tuji tukunsama, murambu umarambu kala. Nyiina, matasa mamutu amamasuegu mavu nderi dubila. 8 Tumba Nsambi ebatindi mbansa; labatianu, bamasundila unemusu! 9 Posulu tsiogu tsimabarombisa ubungana; botsu abebalabi bemuangisi miuru. 10 Batu botsu bamagaangu na goma, beyenasamuna ama Nsambi amavaga, berangimini yisalu yiandi. 11 Mutu usigama esangili Fumu; erombi yisuemunu yiandi ombu gandi; botsu abavu na mirima misunda besangili! |
La sainte Bible en langue Yipunu © Alliance Biblique du Cameroun, 1992.
Bible Society of Cameroon