Nyimbu 63 - La Sainte Bible en Langue Yipunu

DUIMBU Maboti magu mavu maneni

¹ Duimbu duDavid ava amabila o kumu jiJuda.

² Aa Nsambi, ndeʼ guvu Nsambi ami, nyigurombingi. Nyina tindi nsala agu. Nyiina, tindi nsala agu dedi mosi nana dukanga duvu na nsala mamba.

³ Nyugurombanga o Ndagu Nsambi te na nyulaba mangolu magu na bundumba buagu,

⁴ mu mbari maboti magu mavu maneni. La dibandu nyuguyitsanga na nyimbu

⁵ nyugugabusilanga diboti yitsingu yiami yiotsu ava nyunengilila diina diagu nyusamba makaka mami.

⁶ Nsala tsiami tsimavotsu dedi mosi nana mutu anoji egukuru. Nyiwimbili na nsangu uguyitsa.

⁷ Nyigurangimini va tangi ami, nyigutasi nesi va gari mukolu;

⁸ ndeʼ guvu muwamusi ami. Nyutuba nyimbu na nsangu o tsi yidumbitsi yimapapi magu.

⁹ Nyimakevega ombu gagu dikaka diagu dimabaala dikuarisi.

¹⁰ Vavu batu aberondi umboka. Basundili ubungana, bawendi o mbura jiabafu.

¹¹ Baboku na majenga baligu na makoju!

¹² Kaga asangilingi mu diambu diNsambi! Mbe ka jogu abelevi pesi na diina diNsambi, bakekakisanga mu mbari bafuritsi boba mbala tsibidugumiunu.