Nyimbu 61 - La Sainte Bible en Langue YipunuDUIMBU Nyirondi utsananga o Ndagu agu 1 Duimbu duyivunda yibawimbitsi na duDavid adumawimbulu na bisigu abivu na mikudu. 2 Aa Nsambi, gulu migamu miami! balimba ugulu dusambu duami! 3 O masuka mabutamba nyigutatili na murima ami utsira; mbeyi o julu dimanyi adi ngorungula ukematisa! 4 Mu mbari ndeʼ guvu yisuemunu yiami, ndagu jisakama ajivu jiwara va nsungisini na bavinitsi bami. 5 Nyirondi utsananga o Ndagu agu, nosuema o tsi yidumbitsi yimapapi magu. Letasatianu 6 Aa Nsambi, ndeʼ guigulu nsala tsiami, ndeʼ guiveyi abeguyitsi dikabu diogu dibulongu bupangini. 7 Kokolu tsiagu, buesa kaga bilumbu; bilima biandi bifuningi! 8 Atsani mutubu va yitsiga yibufumu va gusu agu; musingisi ulaba maboti magu na usigama uagu! 9 Mbana nyukakisanga diina diagu temu tsiotsu, na bisigu biami nesi nyimbu tsiami ava nyudugusulungu pangini tsiami yilumbu na yilumbu. |
La sainte Bible en langue Yipunu © Alliance Biblique du Cameroun, 1992.
Bible Society of Cameroon