Nyimbu 60 - La Sainte Bible en Langue YipunuDUIMBU Nsambi uwagula ewaguli mbila jibatu bandi abamabetsu (Bibuku 7-14: gengila Nyim 108.7-14) 1 Duimbu duyivunda yibawimbitsi na duDavid 2 adumawimbulu na yitara. Duimbu ulonsa adumawimbulu ava David amatoyila divita na bisi Syrie baMesopotami na bisi Syrie baSoba ava Joab amagabuyila o yibususu yimusayi ayi amabokila yigumi na tosini beji tsibaEdom. 3 Aa Nsambi, ndeʼ gumatubusa na gumatupansa. Diuleba gumanyoga, turelili! 4 Ndeʼ gumapupisa butamba te na bumapansu; londa maluta mabuonyi mu mbari ukunga buikungi. 5 Gumatuwetsiga na mambu maranga, gumatunuisa malamu amamatulansa. 6 Gumavega basigama bagu yilimbu, ubalasa ngensa ajivu nagu. Letasatianu 7 Abagu badurondu bawaku kalala, tugobuli na mangolu magu na tugulu wandi! 8 Nsambi amavosa o Mbura andi jiNsambi rie: Nyulunga, nyugaba musiengi uSichem 9 nyuwetsiga yibususu yiSoukot Galaad aguami na Manasse wandi. Efraim uvu yiviovi yiami; Juda uvu nguangu ami. 10 Moab avu nsienga aji nyibuilili; nyisunsi bapondu bami o Edom; o bulongu bubaPhilistin nyigamuyi ndungulu. 11 Anyi ombega o Edom? Anyi okwakisa musiengi ukandu? 12 Tsiri ndeʼ Nsambi? Tsia gumatubusa? Aa Nsambi, tsia gumabusa uwendanga na bagora betu? 13 Ruga yituwamusa na bavinitsi betu duwamusu dumutu dugaa na tsongu. 14 Nsambi avu netu la dibandu tulunga; jandi otsiarila bavinitsi betu. |
La sainte Bible en langue Yipunu © Alliance Biblique du Cameroun, 1992.
Bible Society of Cameroon