Nyimbu 6 - La Sainte Bible en Langue Yipunu

DUIMBU Fumu ndasi yingeba

¹ Duimbu duyivunda yibawimbitsi na duDavid adumawimbulu na bisigu abivu na mikudu nesi sambi ajivu na yinana yimikudu.

² Fumu guna kabu nami tumba ndasi yingeba; unyoga guinyoyili tumba guyalulisa.

³ Fumu ndasi yingeba ngaa na mangolu! Fumu mbelusi, udeda nyidedingi!

⁴ Meʼ uotsu yika uregama! Aa Fumu, te na temu yi?

⁵ Fumu ruga, yikwaki kalala, kobuli na yingeba yiagu.

⁶ Jandi oyifu agegurangimini; anyi oguyitsa o mbura jiabafu.

⁷ Munyongu umansukisa mangolu; kadi mukolu yipondama yiami yika ubola na matsanga nesi tangi ami wandi.

⁸ Misu mami yika tsasa na munyongu te na ngomuelabanga na buranga, tsiri disusu yika dikuana dibatu abepini.

⁹ Kakananu nami, jenu botsu aduivayingi mabi! Fumu jaʼ beni egulu milingi miami.

¹⁰ Nyiina, Fumu egulu mitatu miami, egulu dusambu duami.

¹¹ Batu abepini bamasutu bamagaangu na goma; bamagaangu na yisonyi vana vana.