Nyimbu 57 - La Sainte Bible en Langue YipunuDUIMBU Usambila nyisambili Nsambi Aguvu Uneni (Bibuku 8-12: gengila Nyim 108.2-6) 1 Duimbu duyivunda yibawimbitsi na duDavid adumawimbulu na kingu jiGuyabunga, adumawimbulu ava Saul amabingisila David, agumayesuema o dilima. 2 Aa Nsambi, ndasi yingeba, ndasi yingeba! Nyirombi yisuemunu yiami ombu gagu; nyirombi yisuemunu o tsi yidumbitsi yimapapi magu te na purulu tsiuvioga. 3 Nyitatili Nsambi Aguvu Uneni, Nsambi aguipeyi amami motsu. 4 Jandi aguvu o julu etindili dugobutsu, akambisi oyinsiengingi. Letasatianu 5 Nyisilimi va gari batu abavu nderi bimbungu abivu bikunsama uvopulanga. Minu mogu mavu nderi makongu nesi mbansa ndimi tsiogu tsivu tindi mengu nderi majenga. 6 Aa Nsambi, lasa buneni buagu o julu! Bundumba buagu bulabiningi mu butamba buotsu! 7 Bamatambila murambu: nyimapupusu; bamatima yiduna va gusu ami, tumba jogu beni bamabonduga o gari yionyi! 8 Aa Nsambi, murima ami umawarusu, nyuwimbila nosiyisa bisigu biami. 9 Muvumu ami, rambuga! Ngomfi na sambi, rambuganu! Vengu nyurambusa wisi! 10 Fumu, nyuguyitsa va gari bisi malongu, nyuguwimbilila va gusu malongu, 11 maboti magu meduku te no julu na usigama uagu te no mamungi. 12 Aa Nsambi, lasa buneni buagu abuiviolili nesi julu! Bundumba buagu bulabini mu butamba buotsu! |
La sainte Bible en langue Yipunu © Alliance Biblique du Cameroun, 1992.
Bible Society of Cameroon