Nyimbu 54 - La Sainte Bible en Langue YipunuDUIMBU Mbila ji-agumakuanu 1 Duimbu duyivunda yibawimbitsi na duDavid adumawimbulu na bisigu abivu na mikudu. 2 Ava bisi Zif bamatsingulila Saul rie: Tsia David usuema esuemi ombu getu. 3 Aa Nsambi, kobuli na diina diagu! Lasa mangolu magu nesi duSungugu duagu. 4 Aa Nsambi, gulu dusambu duami, liga matuji ugulu posulu tsiami. 5 Benyi berondi utoyisa, bango dikasi berondi umboka; batu beni bagetasi Nsambi. Letasatianu 6 Nsambi avu Muwamusi ami. Fumu avu Muwarisitsi ami. 7 Dibi digaangi batu abepini; ndasi usigama uagu, baboki! 8 Nyuguvagulila pagu na murima usunda. Aa Fumu, nyuyitsanga diina diagu, divu diboti, 9 guikwaki kalala mu munyongu uotsu; nyilabi batu abepini dibetsulu. |
La sainte Bible en langue Yipunu © Alliance Biblique du Cameroun, 1992.
Bible Society of Cameroon