Nyimbu 53 - La Sainte Bible en Langue YipunuDUIMBU Batu basigama na Nsambi ogu ( Nyim 14 ) 1 Duimbu duyivunda yibawimbitsi na duDavid adumawimbuhi na mambika. 2 Yiduka amatasa rie: Vagaa Nsambi! Batu bekebivisa na bedukingi bifu bindunsulu; vagaa ne umosi aguivayingi maboti. 3 Fumu avu o julu egengili batu ulaba yeri vavu mutu aguvu na diela aguimurombi. 4 Botsu bamaketsiemusa, botsu bamabiva; vagaa ne umosi aguivayingi maboti, ne umosi. 5 Fumu amavosa rie: Basusu abevayingi mabi bagejabi yiri nyubakilisa. Bejangingi abi bedayingi batu bami, bagensambili via! 6 La dibandu bereyimini na goma mu mbari Nsambi ekipi batu abemudedili. Nsambi opansa abedukandi; bolaba yisonyi mu mbari Nsambi amabaliyila nsima. 7 Anyi oruyila o Sion ujdyisa baIsrael? Ava Fumu okalusila purulu tsibatu bandi nsangu bategula baJacob bosangila rie: Ka muna nsangu ji o Israel! |
La sainte Bible en langue Yipunu © Alliance Biblique du Cameroun, 1992.
Bible Society of Cameroon