Nyimbu 52 - La Sainte Bible en Langue Yipunu

DUIMBU Mutu aguikipi yika busina buandi

¹ Duimbu duyivunda yibawimbitsi na duDavid.

² Misamu miDoeg muisi Edom ava amayetsingulila Saul rie: David avu o ndagu Ahimelek.

³ Ndeʼ aguvu na mangolu dibandu yi guikematisili na mbivulu tsiagu? Maboti maNsambi metsingingi mutubu.

⁴ Bilumbu biotsu guikunsi mbivulu tsiagu, posulu tsiagu tsivu nderi disambi adimasibu; guitasingi yika uyenadunsanga batu

⁵ Ndeʼ guirondi mabi tsiri maboti, guirondi mfurulu tsiri ngensa. Letasatianu

⁶ Guirondi posulu tsiotsu tsindunsulu, ka muna mudunsitsi gu!

⁷ La dibandu Nsambi ogubungila mutubu; ogugaanga nogupalisa o ndagu agu; nogugusula va gari abavu monyu. Letasatianu

⁸ Batu basigama bodilaba; bogaangu na goma novosa rie:

⁹ Labatianu mutu egugu, amakipanga yika busina buandi buneni asamakipanga Nsambi nana yisuemunu yiandi, amaketasila mu mbari amaba yisina.

¹⁰ Menu nyivu o Ndagu Nsambi nderi muoliva aguvu na magaji nyimakevega o maboti maNsambi mutubu.

¹¹ Nyuguyitsanga temu tsiotsu mu diambu diyisalu yiagu. Aa Nsambi, nyuguvayila yitu va misu mabatu basigama; mu mbari guvu muboti.