Biblia Todo Logo
Bìoball air-loidhne

- Sanasan -

Nyimbu 50 - La Sainte Bible en Langue Yipunu


DUIMBU Nsambi ulabana elabini utabula bunsonsi buandi

1 Duimbu duAssaf. Nsambi aguvu na mangolu, Fumu Nsambi amavosa, amangengila bisi butamba ubandila o yiari ayi wisi epalili te no yiairi ayi wisi ewendisini.

2 Sion uvu musiengi aguvu na tindi kembu, Nsambi evedimisi bundumba buandi muna.

3 Nsambietuaruyi, Ayaba sui! Va gusu andi vavu muji aguisielisini na mungudi uneni uimutsiengili yiari na yiari.

4 Nsambi egamuyi o julu na va butamba, utubulila batu bandi bunsonsi.

5 Evosi rie: Kukuyilanu batu bami basigama abamavangana pangini nami uvagula pagu tsiunyensa!

6 Julu jitubuli: Fumu avu usigama, Nsambi avu nsonsi. Letasatianu

7 Jenu batu bami guluanu, nyina diambp udutsingula. BaIsrael, nyudulubusa, menu la Nsambi aguvu Nsambi agu.

8 Nyidusiembi tsiri mu diambu dipagu tsienu, mu mbari duitsiveyingi temu tsiotsu.

9 Ngaa na nsala mulumi ngombi ombu genu nesi balumi babinsabi babivanga bienu,

10 mu mbari bibulu biotsu bimusiru bivu abiami nesi biruitsi bimunongu na munongu.

11 Nyijabi batsoli botsu nesi biotsu abilingi o kumu bivu abiami.

12 Mbe nyina nsala mbe ngoduvonda yima mu mbari bulongu buotsu abuami na biotsu abivu muna.

13 Je nyina nsala uji nyama tsibangombi? Je nyina nsala unu malungu mabinsabi?

14 Pagu tsienu tsibi kabusulu tsimaboti, kefisanu pangini atsi dumavangana nami, menu Nsambi Aguvu Uneni.

15 Mbana ndengilianu mu yilumbu yimunyongu nyuduwaka kalala mbana dundodisa.

16 Tumba Nsambi ewivuli mutu mubi rie: Dibandu yi guivosulili maruma mami? Dibandu yi guivosulili pangini atsi gumavangana nami?

17 Tsiri ndeʼ aguibusi nsiembu tsiami ava guiliyili malongi mami nsima?

18 Ava guilabili mudayitsi guinongi nandi; guifubini na bimbembu wandi.

19 Guivosilingi basusu mabi, posulu tsiagu yika mfurulu na mfurulu.

20 Mbura la mbura guifuengilili muana taji agu, guisiengi muana nguji agu.

21 Motsu mana gumavaga, nyibi sui? Ngensa guitasi nyiji nana ndeʼ? Nyugusiemba nogulasa mabi magu.

22 Kebananu, jenu aduindibini, tsiyisanu adi nyivosi. Pa tsiri nana, dubunga, mutu agorungula uduwaka kalala.

23 Jandi oyivaguli pagu tsikabusulu tsimaboti ekitsi. Oyindedili odila dugobutsu duNsambi.

La sainte Bible en langue Yipunu © Alliance Biblique du Cameroun, 1992.

Bible Society of Cameroon
Lean sinn:



Sanasan