Nyimbu 49 - La Sainte Bible en Langue Yipunu

DUIMBU Ava mutu efuili agebeyi yima nandi

¹ Duimbu duyivunda yibawimbitsi na dubaana bababaala baCore.

² Jenu batu botsu guluanu, jenu bisi bulongu buotsu liganu matuji,

³ bangebi nesi bivunda nesi bisina nesi bijaga;

⁴ posulu tsiami tsivu na diela matasa mami mavu mawelimina.

⁵ Nyuliga dituji ugulu nongu ajimabuagulu, nyujivindiga ava nyusiyila sambi.

⁶ Dibandu yi nyulabila goma mu yilumbu yimaguga? Dibandu yi nyukambusulu na mabi mabatu abepini?

⁷ Bevayili bima biogu yitu na bekekakisa na busina buogu.

⁸ Je mutu orungula ugobula muana taji andi? Je mutu orungula ukegobula?

⁹ Nesi, dufunu dunyobu duvu duranga, mutu agorungula ufuta udila monyu.

¹⁰ Je betasi bodila monyu umutubu? Je betasi bagoweʼ o ngila?

¹¹ Dilabini: nesi batu badiela befuangingi, batumbalagu na biduka dedi mosi, botsu besili bima biogu ombu basusu.

¹² Betasi yiri mandagu mogu motsinga mutubu nesi mbura tsiogu te na kula tsiotsu, la dibandu bamaluyila mbura tsieni na miina mogu.

¹³ Tumba dibaala adivu na duyitsu agotamba nofu, ebagunu na bibulu abibokimgu.

¹⁴ Guluanu disukusulu dijogu abekevayila yitu; guluanu amoba o gusu ombu bango mapopopu. Letasatianu

¹⁵ Besindugu o dufu nderi mugamba ubiruitsi; dufu la mubungulitsi ogu. Ava wisi etebuyili batu basungama bebatsiarili; kembu tsiogu tsitsiemuyili o ngila! Avana boba mutubu!

¹⁶ Tumba Nsambi okobula o mbura jiabafu ombega o yisuemunu. Letasatianu

¹⁷ Guyalaba goma mu mbari mutu edili busina nesi ava busina buandi buifunigi.

¹⁸ Agowenda na yima ava ofuila, bungunu buandi bugowenda o ngila nandi.

¹⁹ Diuleba yitsingu yiandi yiotsu amalabanga maboti, diuleba amayitsungu mu mbari amavaga buranga,

²⁰ ne nana owenda mbura mosi na bataji bandi abamamurela, abagomuelaba yijalala via!

²¹ Ne na bungunu buandi buotsu mutu ajabi yiri disukusulu diandi divu nderi diyibulu.