Nyimbu 48 - La Sainte Bible en Langue Yipunu

DUIMBU Musiengi ukaga ajineni

¹ Duimbu dubaana bababaala baCore.

² Fumu avu muneni, avu dibandu diduyitsu duotsu o musiengi uNsambi etu. Mukongu uNsambi etu,

³ ka muna ubueji gu uvu na uonyi; uilasi bisi butamba botsu nsangu, mukongu uSion aguvu o yiari yibanda la musiengi ukaga ajineni.

⁴ Nsambi amalasa yisuemunu avu ekipingi musiengi andi ukandu.

⁵ Bakaga bamabenguna va mosi uwenda bewendi uyetumuna Sion.

⁶ Yiotsu ayi bamalabila Fumu bamakambulu, bamagaangu na goma mbana bamarina;

⁷ bamasutusu vana vana nana misongu miusutusu mugetu agumagaangu na mionyi

⁸ nesi nana punga jiyiari ayi wisi epalili jipansili makumbi.

⁹ Adi tumagulu bevosi tumadilaba; o musiengi uFumu mabadi o musiengi uNsambi etu. Nsambi eguwarisi mutubu.

¹⁰ AaNsambi, tuirangimini maboti magu ava tuvu o Ndagu agu.

¹¹ Guiyitsungu te no masuka mabulongu te no masuka mabutamba begusangili.

¹² Dikaka diagu dimabaala dibeyi maboti. Bisi mukongu uSion, usangila besangili; bisi Juda belabingi nsangu na bunsonsi abu gumatabula.

¹³ Tsiengilanu Sion noyenatalanga mandagu ma-uonyi masakama;

¹⁴ gengilanu bivaga bi-uonyi nesi mandagu makandu mbana dutsingula dukula aduburu rie:

¹⁵ Nsambi agugu la Nsambi etu mutubu, jandi avu mulonsi nsila etu mutubu.