Nyimbu 47 - La Sainte Bible en Langue YipunuDUIMBU Siganu Nsambi tsambi, avu Kaga ajineni 1 Duimbu duyivunda yibawimbitsi na dubaana bababaala baCore. 2 Jenu batu botsu siganu tsambi, yitsanu Nsambi na migamu minsangu, 3 Fumu Mungo Mangolu Motsu avu muneni, avu kaga ajineni va butamba buotsu. 4 Amavaga bisi malongu baviga betu; amakotisa malongu o tsi durumu duetu. 5 Amatusolila disiala dietu, dionyi ditulasi ubueji, jetu baJacob aba erondi. Letasatianu 6 Nsambi emati o Sion na migamu minsangu, Fumu emati na mufi mamimbanda. 7 Wimbililanu Nsambi, wimbilanu! Wimbililanu kaga etu, wimbilanu! 8 Nsambi avu kaga jibutamba buotsu; wimbilanu duimbu! 9 Nsambi erumi malongu, etsani va yitsiga yiandi yibufumu. 10 Barumitsi bamalongu beruyi va mosi, uba dibuli dimosi dibatu baNsambi Abraham; bakaga botsu bemugengili; mangolu motsu mabutamba mavu nandi. Nsambi erumi motsu! |
La sainte Bible en langue Yipunu © Alliance Biblique du Cameroun, 1992.
Bible Society of Cameroon