Nyimbu 36 - La Sainte Bible en Langue Yipunu

DUIMBU Fumu, guvu dibandu dimonyu

¹ Duimbu duyivunda yibawimbitsi na duDavid agumaba musalitsiu Fumu.

² Posulu tsimutu mubi tsibembi murima ami; agelabi Nsambi goma.

³ Ekeronda tindi uronda, agekelaba na dibi, la dibandu agedibusili.

⁴ Posulu tsiandi tsivu mfurulu na tsidunsi; agejabi divindugulu dimaboti.

⁵ Va tangi andi etasingi yika dibi agevayingi adivu diwelimina, agebusi dibi.

⁶ Aa Fumu, maboti magu mogulunu te no julu, usigama uagu te no mamungi.

⁷ Dusungugu duagu du vu duneni ne uviolila mikongu mineni malongi magu mavu madonga nana mubu uneni. Aa Fumu, ndeʼ guibambi batu na bibulu.

⁸ Aa Nsambi, ka muna maboti magu! Batu berombi yisuemunu ombu gagu.

⁹ Guibalasi maboti amavu o ndagu agu, guibapuyili maboti nderi mamba.

¹⁰ Fumu guvu yileka yimonyu! Yijalala yiagu yitumonitsingi.

¹¹ Lasanga maboti magu ombu abegujabi, nesi dusungugu duagu ombu abavu na mirima miwelimina!

¹² Mungo dunangu ayatola ombu gami, nesi bango dikasi bayambinga.

¹³ Va gusu agu abevayi mabi bamakeberuyila; bamaberuga na bagomuesimbuga.