Nyimbu 33 - La Sainte Bible en Langue Yipunu

DUIMBU Duyitsu ombu Nsambi aguvu Musunditsi na Mugobutsi

¹ Batu basigama sangilanganu Fumu? Duyitsu duvu duwelimina na batu basungama.

² Yitsanu Fumu na sambi muyitsianu na ngomfi na yigumi yimikudu.

³ Muwimbililianu duimbu dugona! Warisanu mufi menu nesi bisigu bienu biyigumi yimikudu.

⁴ M ambu maFumu mavu mangensa bisalu biandi bivagulu yitu.

⁵ Erondi nsungugulu tsiotsu. Maboti maFumu mamabasa butamba.

⁶ Julu jimasundu na mbembu Fumu; nesi wisi na tsungi na bambuelili bimasundu na diufi diandi.

⁷ Amagukiga mamba mamubu diguki dimosi, amawitila mamba mu matanga madonga.

⁸ Batu botsu badumi Fumu! Bisi bulongu buotsu bamureyimini!

⁹ Ava amavosila, ama amavosa mamalabana; ava amarumina biotsu bimalabana.

¹⁰ Fumu evinsi kanu tsibisi malongu; epansi bisalu bibatu.

¹¹ Kanu tsiFumu tsitsingingi mutubu bisalu biandi bitsingingi te na kula tsiotsu.

¹² Ka muna libueji gu batu bolaba abekelisi Fumu tindi Nsambi ogu. Ka muna ubueji gu batu abamasolu uba disiala diandi bolaba!

¹³ Ava Fumu avu o tindi julu edokimini, elabi batu botsu.

¹⁴ Vana yitsiga yiandi yibufumu edokimini batu botsu vava tsi.

¹⁵ Jandi amabasunda botsu, na matasa na mirima; ugengila egengili bifu biogu.

¹⁶ Tsiri dutalu duneni dubagora aduiwaki kaga kalala; tsiri mangolu maneni megobuli bangogaga.

¹⁷ Bakabala badivita bagaa na tsongu ulungisa, mangolu mogu maneni magobawaka kalala.

¹⁸ Fumu egengili abandi basigama nesi jogu abekipi maboti mandi.

¹⁹ Va julu vana ebawaki kalala yiri bagofu, ebakelisi nesi va dungosu dunsala.

²⁰ Tumusangilianu. Avu muwamusi etu nesi ngubu etu.

²¹ Tuimusangili, tukevega ombu Nsambi aguvu Nsambi etu.

²² Fumu agulu ndembugulu tsietu atulasi maboti mandi.