Nyimbu 29 - La Sainte Bible en Langue Yipunu

DUIMBU Diufi diFumu

¹ DuimbuduDavid. Bisi julu yitsanu Fumu, ruganu uyiyitsa Fumu. Yitsanu aguvu na bundumba na digoba.

² Ruganu uyiyitsa bundumba buFumu, gudamanu va gusu andi ava elasili buNsambi buandi.

³ Nsambi aguvu na bundumba eveyi bidumi, diufi diandi digulunu mu mijamba, ne o mubu, diufi diandi digulunu.

⁴ Diufi diFumu digulunu na mangolu, diufi diandi digulunu diufi dikaga.

⁵ Diufi diFumu dirakuli nesi misedera; Fumu erakuli misedera iriiLiban.

⁶ Edumusi mikongu miLiban dedi mosi nana baana bangombi bedumuyili, nesi mukongu uHermon nesi bapasa bedumuyili.

⁷ Diufi diFumu dipalisi tsiemu.

⁸ Diufi diFumu direyimisi kumu; Fumu ereyimisi kumu jiCades.

⁹ Diufi diFumu diburisi bakabi, diufi diFumu diberusi miri. O ndagu kaga, botsu begamuyi rie: Ka muna bundumba bu!

¹⁰ Fumu amaba va yitsiga yiandi yibufumu va temu nyidu. Fumu orumanga mutubu.

¹¹ Fumu eveyingi batu bandi mangolu; Fumu egabilingi batu bandi miula na ebaveyi duvotsu!