Nyimbu 26 - La Sainte Bible en Langue Yipunu

DUIMBU Agugaa na mbela unengila enengili Nsambi

¹ Duimbu duDavid. Fumu, payili adivu diwelimina mu mbari nyimakekelisa va gusu agu nyimaguvayila yitu yiotsu v te na ngopupusu.

² Fumu kwetsiyi, kelula matasa mami nesi nsala tsiami.

³ Nyilabi maboti magu nyiwiji usigama uagu.

⁴ Ngetsani va mosi na bafuritsi, ngelingingi na bango penda.

⁵ Nyivini dibuli dibavayitsi bamabi; ngetsani va mosi na batu abagekipi yitu nesi migaga.

⁶ Nyususa makaka mami ulasa ngaa na mbela. Aa Fumu, utsiengila nyitsiengili yinyensulu yiagu yipagu,

⁷ noyenawimbilanga nyimbu tsikabusulu tsimaboti nosamuna maboti magu motsu

⁸ Fumu, nyirondi Ndagu agu, mbura aji bundumba buagu buvu.

⁹ Guyapaga dedi na bavayitsi bamasumu, guyamfubana va mosi na bikongu

¹⁰ abavu bakunsama uvaga nsoruru atsi bamafutu kala.

¹¹ Nyimakekelisa va gusu agu; ndasi yingeba nokwaka kalala!

¹² Nyiji sikiri vava tsi nesi o yibenguna, nyugabusilanga Fumu diboti.