Nyimbu 24 - La Sainte Bible en Langue YipunuDUIMBU Fumu ukota ekoti o Ndagu Yibenguna 1 Duimbu duDavid. Butamba na biotsu abivu muna biFumu; nesi bulongu na abetsani muna. 2 Amasunda bulongu va mosi na mubu na mijamba, amabuwarisa wandi. 3 Anyi orungula umata o mukongu uFumu? Anyi okota o Mbura andi jiyingitsi? 4 Abavu na makaka malioma na murima usunda; abagefuringi, abagelevi pesi tsikulini. 5 Bagabulu miula miFumu, Nsambi aguvu Mugobutsi ogu obalasa yingeba. 6 Abana la tindi basigama baFumu, aberombi tindi uromba yinsi yiNsambi Jacob! Letasatianu 7 Biabutsu dibuganu; maguyi dibuganganu jalala, mbana Kaga jineni okota? 8 Kaga eni jineni anyi? La Fumu, Mungo Mangolu Motsu, Fumu, aguvu Ngogaga jimavita. 9 Biabutsu dibuganu; maguyi dibuganganu jalala mbana Kaga jineni okota! 10 Kaga eni jineni anyi? La Fumu, Mungo Mangolu Motsu, Kagajineni. Letasatianu |
La sainte Bible en langue Yipunu © Alliance Biblique du Cameroun, 1992.
Bible Society of Cameroon