Nyimbu 20 - La Sainte Bible en Langue YipunuDUIMBU Dusambu mu diambu dikaga 1 Duimbu duyivunda yibawimbitsi na duDavid. 2 Fumu agugulu ava guvu na munyongu! Nsambi Jacob jaʼ beni agusueyi! 3 Agutindiji duwamusu ava avu o Ndagu andi, aguveyi duwarusu aduiruyili o Sion. 4 Ayalibana miensili miagu miotsu, asingi pagu tsiagu! Letasatianu 5 Aguveyi ayi guirondi; aguwamusi udugusu kanu tsiagu tsiotsu! 6 Kabogu tusangila duwamusu duagu, tuvara yilimbu uyitsa Nsambi etu. Fumu agulu tsambu tsiagu tsiotsu. 7 Mbana nyimajaba: Fumu ewamusi kaga aji amabiatsa omugulu o julu o mbura andi nomulungisa na dikaka diandi dimabaala. 8 Abana bewarili na makalu mogu ababa bewarili na kabala tsiogu, jetu tuiwarili na diina diFumu Nsambi etu. 9 Jogu bamabandama te na bamaberuga tumba jetu tuki diteli na tumawara. 10 Aa Fumu, ruga yiwamusa kaga atuwaguli yilumbu ayi tuimunengilili utuwamusa! |
La sainte Bible en langue Yipunu © Alliance Biblique du Cameroun, 1992.
Bible Society of Cameroon