Nyimbu 16 - La Sainte Bible en Langue YipunuDUIMBU Nsangu jimutu agu Nsambi amarambusa o dufu 1 Duimbu duDavid. Aa Nsambi nsueyi! Uromba nyirombi yisuemunu ombu gagu. 2 Nyitsinguli Fumu rie: Ndeʼ la Fumu ami, ndeʼ la tindi yiboti yiami! 3 Ka muna ubueji gu uvu na batu baNsambi! 4 Abefunisi bakosi nodukanga bansambi bangana bolabanga yika maguga. Ngovagula pagu tsiogu tsimalungu; ngobaranguna, via! 5 Ndeʼ Fumu guvu mami motsu, guipeyingi motsu ama nyivu na nsala; monyu ami uvu mu miogu miagu. 6 Ka muna dikabu di nyimavegu, nyiina, nyina disiala adivu tindi diboti! 7 Nyigabusili Fumu diboti, jandi avu mulonsi ami; mukolu uotsu murima ami uindonsi. 8 Nyilabingi Fumu va gusu ami temu tsiotsu; ngokungusu mu mbari Fumu avu va mabaala mami. 9 La dibandu nyilabingi nsangu murima uotsu yika usangila. Ka muna murima usunda gu uvu nami! 10 Gugonsingisa uwenda o mbura jiabafu gugogaru yiri mutu agu aboli. 11 Gundonsa mansila mamonyu; nyilabingi nsangu mu mbari nyulabana nagu, nyubanganga nagu mutubu. |
La sainte Bible en langue Yipunu © Alliance Biblique du Cameroun, 1992.
Bible Society of Cameroon