Nyimbu 142 - La Sainte Bible en Langue YipunuDUIMBU Fumu avu yisuemunu yi-abekuanu 1 Duimbu duDavid. Dusambu adu amasambila ava amabila o dilima. 2 Nyigamuyili Fumu migamu mineni, nyilembiyili Fumu migamu mineni. 3 Nyimulasi munyongu ami na nyimutsinguli maguga mami motsu. 4 Ava nyimagaangulu na munyongu ndeʼ guijabi adivu diwelimina. Bamatambila murambu mu nsila aji nyivioyili. 5 Kokolu tsiagu gengila o yiari yimabaala gulaba yiri ne mutu mosi agenjabi; ngaa na yisuemunu, ne mutu mosi agekipi. 6 Aa Fumu, ndeʼ nyitatili. Nyivosi rie: Ndeʼ guvu yisuemunu yiami, guvu motsu ama nyirondi va butamba buebubu. 7 Kokolu tsiagu, ba limba ugulu migamu miami! nyimakambulu tindi ukambulu, kwaki kalala ombu bakuanitsi bami mu mbari jogu bepiolili mangolu. 8 Palisi o tsugu yiri nyugusangila va gari basigama mu diambu dimaboti magu. |
La sainte Bible en langue Yipunu © Alliance Biblique du Cameroun, 1992.
Bible Society of Cameroon