Nyimbu 140 - La Sainte Bible en Langue Yipunu

DUIMBU Dusambu dumutu agumafuengululu

¹ Duimbu duyivunda yibawimbitsi na duDavid.

² Fumu kwaki kalala ombu batu babi! Nsueyi yiri mungo dikasi agondasa maguga,

³ nesi abetasingi mambu mabi na abavu bakunsama temu tsiotsu utoga divita.

⁴ Ndimi tsiogu tsivu nderi ndimi tsibanyoga; bilila biogu bivu na miangala nderi bapili. Letasatianu

⁵ Fumu kobuli mu miogu mimutu mubi! Nsueyi yiri bango dikasi bagondasanga maguga nomberusa.

⁶ Bango dunangu betambili mirambu mimunongu na munongu, bana ditasa dimosi ukwakusulu. Letasatianu

⁷ Nyimatsingula Fumu rie: Ndeʼ guvu Nsambi ami, liga matuji ugulu ndembu tsiami!

⁸ Fumu, Nsambi ami, guvu Mogobutsi ami umangolu! Gumansuega mu yilumbu yidivita.

⁹ Aa Fumu, guyadugusu nsala tsimutu mubi, guyamusingisa udugusu bisalu biandi, ayakematisa! Letasatianu

¹⁰ Mabi majogu abensieengili mabi va julu tsimiuru miogu!

¹¹ Batindu magala mamuji! Nsambi ababuayi o muji o mbengi aji bagorungula upala.

¹² Mufuengilitsi osundila uvioga; mungo dikasi olabanga maguga amagaa yilosi.

¹³ Nyijabi yiri Fumu ewamusi jogu abelabi maguga na abamakambulu.

¹⁴ Nyiina, Fumu abasigama bogusangila; batu basungama botsananga va gusu agu.