Nyimbu 14 - La Sainte Bible en Langue YipunuDUIMBU Batu basigama na Nsambi ogu ( Nyim 53 ) 1 Duimbu duyivunda yibawimbitsi na duDavid. Yiduka amatasa rie: Vagaa Nsambi! Batu bekebivisa, bedukingi bifu binsorum vagaa ne umosi aguivayingi maboti. 2 Fumu avu ojulu egengili batu ulaba yeri vavu mutu aguvu na diela aguimurombi. 3 Botsu bamaketsiemusa, botsu bamabiva; vagaa ne umosi aguivayi maboti, ne umosi. 4 Fumu amavosa rie: Abevayingi basusu mabi bagejabi yiri nyubakilisa? Bajangingi abi bedayingi batu bami, bagensambilingi via! 5 La dibandu boreyimini na goma mu mbari Nsambi ekipi batu abemudedili. 6 Jenu duirondi ukubula matasa mabijaga; tumba Fumu avu yisuemunu yiandi. 7 Anyi oruyila o Sion ujeyisa baIsrael? Ava Fumu okalusila purulu tsibatu bandi nsangu bategula baJacob bosangila. Ka muna nsangu ji o Israel! |
La sainte Bible en langue Yipunu © Alliance Biblique du Cameroun, 1992.
Bible Society of Cameroon